Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
"Pa presion ndërkombëtar, nuk mund të ketë një paqe të drejtë"/ Zelensky zhvillon një bisedë me Sekretarin e Përgjithshëm të NATO-s, Mark Rutte
m.lPërditësimi i fundit 21 Maj 2025, 17:29
UKRAINË- Në një bisedë me Sekretarin e Përgjithshëm të NATO-s, Mark Rutte, Volodymyr Zelensky theksoi nevojën për një qëndrim të unifikuar dhe të koordinuar ndaj Rusisë, duke nënvizuar se pa presion ndërkombëtar, nuk mund të ketë një paqe të drejtë.
Presidenti ukrainas tha se e informoi Rutte-n rreth kontakteve të fundit diplomatike me partnerët ndërkombëtarë dhe i paraqiti formulat dhe platformat që pala ukrainase po shqyrton për rifillimin e negociatave me Rusinë me qëllim një armëpushim të mundshëm.
Në të njëjtën kohë, të dy udhëheqësit diskutuan sanksionet kundër Moskës, me Zelenskyn që theksoi se efektiviteti i tyre varet nga koordinimi i rreptë i vendimeve në nivelin e institucioneve dhe qeverive ndërkombëtare. Biseda përfshiu edhe përgatitjet për takimet e ardhshme të NATO-s, ndërsa presidenti ukrainas deklaroi se ata ranë dakord të qëndrojnë në komunikim të vazhdueshëm për të koordinuar më tej hapat e përbashkët.
I held a conversation with @SecGenNATO Mark Rutte.
We discussed the current situation, our joint next steps, and the necessity of applying pressure on Russia. I shared details of recent engagements with partners and outlined the formats and platforms we are considering for… pic.twitter.com/EFEEN1Q4dY
— Volodymyr Zelenskyy / Володимир Зеленський (@ZelenskyyUa) May 21, 2025
