Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
BOTA
Paralajmërime për erëra të forta në Britani, anulohen mbi 100 fluturime në aeroportin e Heathrow
ZH.LLPërditësimi i fundit 22 Dhjetor 2024, 15:42
aeroporti
BRITANI- Mijëra udhëtarë që shpresojnë të arrijnë në shtëpi për Krishtlindje u është dashur të organizojnë alternativa të minutës së fundit, pasi fluturimet, tragetet dhe trenat vazhdojnë të anulohen.
Mbi 100 fluturime në Heathrow, aeroporti më i ngarkuar i Britanisë së Madhe, janë anuluar të dielën, ndërsa dhjetëra linja tragetesh në Skoci dhe Irlandë nuk funksionojnë më për shkak të motit të keq.
“Për shkak të erërave të forta dhe kufizimeve të hapësirës ajrore, një numër i vogël fluturimesh janë anuluar sot. Kjo do të sigurojë që shumica dërrmuese e pasagjerëve të udhëtojnë ende siç është planifikuar”, tha një zëdhënës i “Heathrow”.
Një numër ndërprerjesh të udhëtimit tashmë janë evidentuar në Mbretërinë e Bashkuar pasi një numër tragetesh midis Skocisë dhe Irlandës së Veriut u anuluan të shtunën, më 21 dhjetor.
Vendimi vjen pasi Zyra Meteorologjike tha se paralajmërimet për erën, të cilat hynë në fuqi dje në orën 7 të mëngjesit, pritet të qëndrojnë në fuqi deri në orën 21:00 të ditës së sotme.
Paralajmërimet përfshijnë Skocinë, Uellsin dhe Irlandën e Veriut – ndërsa në Angli paralajmërimet mbulojnë verilindjen, veriperëndimin, jugperëndimin dhe West Midlands, si dhe Yorkshire, Derbyshire dhe Hampshire.
Meteorologu Dan Stroud tha sot se mund të kishte erëra deri në 121 kilometra në orë.
