Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
"Pasaporta europiane nuk është dokument udhëtimi"/ Rama: Është status dinjiteti dhe qytetarie europiane që ky popull nuk e ka patur kurrë
m.lPërditësimi i fundit 25 Prill 2025, 18:42
SHKODËR- Kryesocialisti Edi Rama ka zhvilluar një takim me vajzat dhe gratë e qytetit të Shkodrës këtë pasdite, në kuadër të zgjedhjeve parlamentare dhe turit elektoral. Gjatë fjalimit të tij, Rama tha se ky qytet duhet të zgjedhë të ardhmen me 11 maj pasi shumë gjëra do të ndryshojnë. Rama shtoi se do të jemi në një Shqipëri të re e me forca të reja që u jep qytetarëve pasaportën europiane.
Kryeministri Rama shtoi se pasaporta nuk është një mjet për të udhëtuar por është një status dinjiteti dhe qytetarie europiane që ky popull nuk e ka patur kurrë.
“Shkodra duhet të zgjedhë të ardhmen më 11 maj sepse shumë gjëra do të ndryshojë. Në momentin që bëhemi anëtare, Shqipëria nuk është më kjo. Është një Shqipëri e re, me forca të reja, me mundësi financiare të reja, me aleanca të reja. Me një kuptim komplet tjetër. Mbi të gjitha një Shqipëri që u jep atë pasaportën europiane. Nuk është një dokument udhëtimi. Është status dinjiteti dhe qytetarie europiane që ky popull nuk e ka patur kurrë. Në këto vite ka qenë një përpjeke e madhe për tiu imponuar të huajve ta shohin Shqipërinë sit ë barabartë dhe besoj ia kemi dalë.
Por kjo nuk mjafton se megjithëse Shqipëria sot është kaq e vlerësuar, sa e gjithë Europa do të zbresë më 16 maj në sheshin Skënderbej, shqiptarët nuk janë të barabartë. Barazinë ua jep pasaporta. Ajo pasaportë në çdo vend të BE të jep barazinë e plotë para ligjit dhe para mundësive si çdo qytetar europian”, tha Rama.
