Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Përmbysja e tramvajit që mori 16 jetë, zbulohet sot shkaku i aksidentit në Lisbonë
PiranjatPërditësimi i fundit 6 Shtator 2025, 14:22
Këtë të shtunë pritet të publikohet raporti paraprak teknik mbi shkaqet e aksidentit që shkaktoi 16 viktima në Portugali, pas daljes nga shinat të tramvajit të njohur në Lisbonë.
Dyshimi kryesor është që shkaku i aksidentit lidhet me këputjen e kabllos së çelikut që lidh dy vagonët ose mosfunksionimin e frenave në njërin prej vagonëve.
Ndërkohë, vlen të theksohet se mes 16 viktimave ishte dhe një çift britanik, Kayleigh Smith, 36 vjeç, dhe William Nelson, 44 vjeç.
Smith ishte regjisore dhe aktore fituese e çmimeve, e cila kishte luajtur gjithashtu role të shumta në ekipin e filmave dhe në repertorin kryesor.
Pesë qytetarë portugezë vdiqën kur vagoni i mbushur me njerëz doli jashtë kontrollit, katër prej tyre punonjës të një organizate bamirësie në kodër, por shumica e viktimave ishin të huaj.
Policia bëri me dije se viktimat e tjera ishin dy kanadezë, dy koreano-jugorë, një amerikan, një shtetas francez, një zviceran dhe një ukrainas.
Të gjithë viktimat, përveç njërit, u shpallën të vdekur direkt në vendngjarje, teksa 21 të tjerë në vagonin e mbushur plot u plagosën.
