Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
BOTA
"Përndryshe do t'ju braktisim"/ Washington Post: SHBA-të i bënë presion Izraelit që t'i japë fund luftës në Gaza
E.DPërditësimi i fundit 19 Maj 2025, 22:59
SHBA- Një zyrtar amerikan mohoi një artikull të Washington Post, i cili pretendonte se administrata Trump do ta braktiste Izraelin nëse ky i fundit do të vazhdonte luftën në Gaza. Zyrtari tha se mund të ketë mosmarrëveshje, por ideja se ne do ta braktisim Izraelin është absurde. Gazeta citon një person anonim të njohur me diskutimet, i cili thotë se përfaqësuesit e Trump e informuan Izraelin se Uashingtoni do ta braktisë vendin nëse ky i fundit nuk i jep fund luftës.
“Politikisht, ashtu si në të kaluarën, Netanyahu ka mjetet për ta bërë këtë, me një shumicë të madhe në Knesset dhe në Izrael, por atij i mungon vullneti politik”, tha ai.
Netanyahu mban shumicën prej 67 vendesh në Knesset nga 120, ndërsa disa nga partitë e tij të koalicionit kërcënojnë rregullisht se do të largohen. Ky presion prapa skenave ka të ngjarë të jetë përgjegjës për kthesën e papritur të Netanyahut që lejon hyrjen e kufizuar të ushqimit në Gazën e rrethuar. Gjatë turneut të tij në vendet e Gjirit javën e kaluar, Trump tha se shumë njerëz po vdesin urie në Gaza.
“Njerëzit e Trumpit i kanë dhënë Izraelit mesazhin se ‘ne do t’ju braktisim nëse nuk e përfundoni këtë luftë’”, tha një person i njohur me diskutimet.
