Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Pesë destinacionet më të mira për hiking në 2026
PiranjatPërditësimi i fundit 26 Shkurt 2026, 11:02
Nga kodrat e qeta të Sllovenisë deri te bregdeti i gjatë i Anglisë dhe shtigjet e largëta të Koresë së Jugut, këto pesë destinacione ofrojnë përvoja unike për adhuruesit e ecjes në natyrë.
Secila zonë sjell sfida dhe pamje të jashtëzakonshme, nga peizazhet e malet e Sharrëve Kanadeze, deri te detet dhe plazhet e Mesdheut.
Në këtë listë përfshihet edhe pjesa kosovare e Via Dinarica, e cila ofron mundësi për të eksploruar natyrën dhe kulturën e Ballkanit në mënyrë të veçantë.
1.Pohorje-Kozjak, Slloveni Gjatësia: 174 km
Kohëzgjatja: 15 ditë
Fillimi: Maribor
Mbarimi: Kamnica
Nisja drejt Alpeve Juliane në veriperëndim të vendit, planifikuar të hapet në qershor, inkurajon aventurierët të zbulojnë pjesën më pak të vizituar lindore të vendit. Shtegu është lehtësisht i aksesueshëm dhe ka formë rrethore, ku qyteti i Mariborit është pika kryesore e hyrjes.
2.Rocky to Nordegg Rail, Kanada
Gjatësia: 109 km
Kohëzgjatja: 6 ditë
Fillimi: Nordegg
Mbarimi: Rocky Mountain House
Disa kilometra në lindje të parkut kombëtar Banff dhe Jasper, në kodrat e Sharrëve Kanadeze, shtegu i ri Rocky to Nordegg Rail çon ecësit pranë liqeneve, përmes pyjeve të dendura dhe mbi urën historike të restauruar Taunton Trestle në provincën Alberta.
3.King Charles III, Angli Gjatësia: 2,700+ milje
Kohëzgjatja: rreth 5 muaj
Fillimi: Kufiri skocez, bregu veri-lindor
Mbarimi: Kufiri skocez, bregu veri-perëndimor
Shtegu King Charles III England Coast Path është historik.
I krijuar në 2023 për kurorëzimin e Mbretit Charles III, ai rrethon të gjithë bregdetin anglez.
Kur të përfundojë këtë verë, do të bëhet shtegu më i gjatë bregdetar i menaxhuar në botë.
4. East Mallorca GR-226, Mallorca Gjatësia: 100 km
Kohëzgjatja: 4 ditë
Fillimi: Cales de Mallorca
Mbarimi: Cala Rajada
Përfunduar në janar 2026, East Mallorca GR-226 është perfekt për ata që duan të ndajnë kohën midis ecjes, pushimit në plazhe, shijimit të pamjeve panoramike të detit dhe eksplorimit të qyteteve historike me kulturë të pasur. Shtegu kalon në pjesën verilindore të ishullit, duke lidhur Mesdheun me fshatrat e brendshme në katër etapa rreth 25 km secila.
Ngjitja më e madhe ditore është 248 m.
Duke filluar nga qyteti bregdetar Cales de Mallorca, shtegu shkon në brendësi përmes fermave dhe vreshtave deri në Manacor. Më pas kthehet përsëri drejt bregut para se të çojë ecësit në brendësi, pranë Manastirit Bellpuig të shekullit XIII dhe vendit arkeologjik 3,000-vjeçar Ses Païsses.
Ecja përfundon me një zgjedhje të vështirë: Të pushosh në plazhet e Cala Agulla pranë fshatit peshkatar Cala Rajada, ose të relaksohesh në Cala Mesquida në skajin verilindor të ishullit?
5.Dongseo, Kore e Jugut Gjatësia: 849 km
Kohëzgjatja: 55 ditë
Fillimi: Ishulli Anmyeondo
Mbarimi: Uljin
Me gjatësi 849 km dhe i frymëzuar nga Camino de Santiago i Spanjës, Dongseo Trail do të jetë shtegu i parë bregdet-në-bregdet dhe kombëtar në Korenë e Jugut kur të përfundojë plotësisht në 2027.
Shtegu ambicioz është projektuar dhe menaxhuar nga Korea Forest Service dhe do të çojë ecësit nga Deti Lindor (“dong” në korealisht) në Detin e Verdhe (“seo”) – prej nga edhe emri i tij.
Udhëtarët që duan të fillojnë tani mund të provojnë pjesët perëndimore të shtigjit, duke nisur nga Ishulli Anmyeondo, me etapa rreth 15 km në ditë. Rruga kalon pranë Maleve Baekdu-Daegan, të njohura si shpatulla e Gadishullit Korean.
Shtegu ofron plazhe me rërë, pyje të dendura, vende të Trashëgimisë Botërore UNESCO, fusha orizi, ferma, 225 fshatra, tempuj budistë mijëra-vjeçarë dhe akomodime në komunitetet malore./Artikulli i BBC, përshtati në shqip Piranjat News
