Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
BOTA
Pesë serbë u arrestuan nën dyshimin për krime lufte, Vuçiç e quan provokim të qëllimshëm
E.DPërditësimi i fundit 3 Gusht 2024, 19:42
SERBI- Presidenti i Serbisë, Aleksandar Vuçiç, ka reaguar në lidhje me arrestimin e pesë serbëve në Kosovë nën akuzat për krime lufte. Ndërkohë Prokuroria Speciale e Kosovës njoftoi sot se pas një hetimi disamujor, ka arrestuar pesë serbë të dyshuar për krime lufte. Gjithashtu të arrestuarit dyshohen se në prill të vitit 1999, në disa fshatra të Komunës së Gjilanit, kanë kryer një sërë krimesh ndaj civilëve shqiptarë, duke përfshirë vrasje, plagosje, djegie, rrëmbime, dhunime dhe tortura.
Vuçiç kritikoi qëndrimin e vendeve të QUINT-it, duke thënë se ata do të bëjnë vetëm deklarata të zbehta kundër veprimeve dhe më pas do të heshtin. Po ashtu njoftoi se nesër do të ketë biseda me përfaqësuesit e Bashkimit Evropian dhe Shteteve të Bashkuara të Amerikës. Vuçiç e ka cilësuar këtë veprim si një provokim të qëllimshëm.
“Po përpiqen të provokojnë çdo shtëpi serbe, që çdo shtëpi serbe të dijë se nuk guxon të qëndrojë në territorin e Kosovës. Është një heshtje e mjerueshme e ndërkombëtarëve dhe botës perëndimore, të cilët pretendojnë se nuk po e shohin çfarë po ndodh. Do t’i pyesim nëse ende duan të shtiren si të painteresuar dhe të pakualifikuar. Do t’ju kujtoj, kur një autobus ndalon në Serbi në pikën kufitare me Kroacinë, dhe në të ka shqiptarë të Kosovës e gjithë Evropa shkruan tekste edhe pse askush nuk i ka prekur, as arrestuar,” deklaroi Vuçiç në një konferencë për shtyp të shtunën.
