Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Politika jonë është të marrim pjesë në dialog", Petkoviç para takimit në Bruksel: Bislimi të paraqesë prova konkrete për akuzat ndaj Beogradit për shpërthimin në Zubin Potok
n.fPërditësimi i fundit 17 Dhjetor 2024, 14:53
Petkoviç
BRUKSEL- Dy kryenegociatorët e Kosovës dhe Serbisë do të zhvillojnë ditën e sotme takimi e radhës në Bruksel në kuadër të dialogut mes dy vendeve. Siç ka bërë të ditur Bashkimi Evropian ditë më parë, Bislimi dhe Petkoviç kanë konfirmuar pjesëmarrjen dhe se aty do të shqyrtojnë një sërë çështjesh, përfshirë atë për zbatimin e Marrëveshjes për normalizimin e marrëdhënieve.
Para fillimit të takimit në Bruksel, Petkoviç në një intervistë për gazetën serbe “Blic” ka deklaruar se nuk është e sigurt nëse do të ketë takim trepalësh edhe kësaj radhe. Petkoviç u shpreh se politika serbe është të marrim pjesë në dialog, sepse dialogu është e vetmja rrugë për të zgjidhur problemin me Kosovën. Ai theksoi se shkojnë më kompromis në Bruksel por sipas tij kjo fjalë është e ndaluar në Prishtinë.
Petkoviç shtoi se në Bruksel shkojnë me argumente dhe me përgatije. Sipas tij ata janë me përvojë dhe Serbia ka vullnet politik për të zgjidhur problemet. Ai gjithashtu shtoi se do ti kërkojë Bislimit të paraqesë prova konkrete për të cilat ai akuzon Beogradin se ka lidhje me shpërthimin në Zubin Potok.
Vazhdimi i dialogut me Prishtinën është sot. Sa do ta rëndojë shpërthimi i infrastrukturës në Zubin Potok?
Petkoviç: Politika jonë është të marrim pjesë në dialog, sepse dialogu është i vetmi vend për të zgjidhur problemin Kosovë-Metohi, për të kërkuar zgjidhje. Për ne, kompromisi është një fjalë e mirë. Fatkeqësisht fjala është e ndaluar në Prishtinë dhe nga ajo anë, ndaj, si çdo herë, po shkojmë në Bruksel me ekspertë, me argumente, me përgatitje. A pres ndonjë gjë nga bisedimet në Bruksel? Më besoni, tashmë kam aq shumë përvojë, sado që të ketë vullnet politik nga ana jonë, ne do t'i zgjidhim problemet.
Në anën tjetër, kur flasim për Prishtinën, ai vullnet politik nuk ekziston. Jo vetëm që nuk ka vullnet politik, por shpeshherë zoti Bislimi nuk dëshiron të takohet drejtpërdrejt me mua dhe të bisedojmë. Do të insistoj edhe këtë herë për një takim trepalësh. Unë do të insistoj që z. Bislimi të tregojë prova konkrete për të cilat ai akuzon Beogradin. Unë po ju them që nuk ka prova, ka vetëm akuza politike. Dhe më besoni, as Bislimi, as Sveçla, as Kurti nuk do të dalin nga kjo, sepse ata akuzuan Beogradin dhe Beogradi nuk ka lidhje me shpërthimin e një pjese të kanalit Ibër-Lepenac.
Lista Serbe shpalli pjesëmarrjen në zgjedhjet në Kosovë, sa e rëndësishme është që përfaqësuesit e popullit serb të përfshihen në proceset politike, sidomos pas ngjarjeve në Kuvendin e Prishtinës?
Petkoviç:E mirëpres vendimin e Listës Serbe për të marrë pjesë në zgjedhjet e ardhshme. Prandaj, Beogradi do të mbështesë çdo vendim që do të marrë Lista Serbe. Qëndrimi ynë është që ata që janë në terren e dinë më së miri se çfarë është situata dhe në cilin drejtim të shkojnë. Ne jemi sigurisht këtu për të mbështetur, për të ndihmuar, dhe siç ka qenë më parë, ashtu do të jetë edhe tani, kështu që përkrahja e plotë për Listën Serbe . Në fund të fundit, fakti i gjithçkaje që ndodhi në periudhën paraprake dhe në javët, muajt dhe vitet e fundit nën terrorin e Kurtit është diçka që e forcoi dhe inkurajoi edhe më shumë popullin serb dhe Listën Serbe.
A do të ndikojë dhe si do të ndikohet në dialogun Beograd-Prishtinë ndryshimi i administratës amerikane?
Petkoviç: Një gjë është e sigurt, që do të punojmë me palën amerikane, me administratën e re. Është e rëndësishme që zëri ynë të dëgjohet dhe të kuptohet. Përsëri, ne nuk jemi naivë dhe dikush që nuk e di se politika e jashtme e Shteteve të Bashkuara dhe fuqive të mëdha është e vështirë për t'u ndryshuar dhe se ata nuk do të heqin dorë nga Kosova e pavarur dhe qëllimi i tyre, por se një lloj këndi duhet të gjetur për të ecur në drejtim të zbatimit të marrëveshjeve që janë arritur edhe 12 vjet më parë, mbi të gjitha, mendoj, për formimin e bashkësisë së komunave serbe. Kjo është diçka për të cilën do të insistojmë, është obligim i Prishtinës, dhe shpresoj se do të ketë vesh dhe mirëkuptim për diçka të tillë në Uashington dhe në Bruksel.
A prisni një ringjallje të Marrëveshjes së Uashingtonit?
Petkoviç: Gjatë mandatit të parë të Presidentit Trump, ne kishim Marrëveshjen e Uashingtonit. Ndër të tjera, ai mbeti një letër e vdekur për shkak se ka pasur ndryshim në administratë, por edhe për mungesë vullneti politik, sepse ka pasur ndryshim në administratë, pra në qeverisje edhe në Prishtinë. Dhe Kurti e hodhi poshtë plotësisht atë marrëveshje, siç e dini. Që diçka të realizohet plotësisht, duhet të ketë një anë tjetër, në këtë rast Prishtina, e cila tani për tani i ka refuzuar të gjitha këto.
