Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Presion politiko-diplomatik për të na dënuar", kryeministri Ciolacu i përgjigjet Kurtit: E papranueshme, përzien politikën me sportin! Fajtorët janë të qartë dhe nuk janë lojtarët rumunë
n.fPërditësimi i fundit 18 Nëntor 2024, 12:34
Cialacu dhe Kurti
RUMANI- Kryeministri i Rumanisë, Marcel Ciolacu ka reaguar në lidhje me mbështetjen e kryeministrit të Kosovës, Albin Kurtit ndaj ekipit kombëtar të Kosovës në vendimin e tyre për të braktisur lojën në në ndeshjen Kosovë-Rumani pas thirrjeve raciste nga tribunat në minutat e fundit të lojës.
Ciolacu tha se është totalisht e papranueshme që Kurti të përziejë politikën me sportin. Ai shtoi se Kurti pretendon se pas gjesteve të kombëtares së tij të futbollit për të braktisur ndeshjen kundër Rumanisë, do të bëjë presion politiko-diplomatik për ti dënuar ata. Sipas tij qeveria e Kurtit po përpiqet më kot t'i kthejë fajtorët në viktimë dhe më keq kërkon të bëjë presion politik në forumin evropian të futbollit, duke shpresuar në një vendim iluzion.
Kryeministri rumun tha se sado që të mundohet nuk e deformon dot realitetin dhe se gjithsesi po ecën në rrugën e gabuar, sepse politika nuk ka vend në sport. Ai theksoi se ajo që ndodhi të premtëm ka vetëm një të vërtetë dhe ajo ështe se fajtorët janë të qartë dhe nuk janë lojtarët rumunë dhe as publiku në Arenën Kombëtare.
Shkrimi i plotë i Ciolacut:
Është totalisht e papranueshme ajo që bën kryeministri i Kosovës, i cili përzien politikën me sportin, dhe pretendon se pas gjesteve të kombëtares së tij të futbollit për të braktisur ndeshjen kundër Rumanisë, do të bëjë presion politiko-diplomatik për të na dënuar!
Qeveria e tij po përpiqet më kot t'i kthejë fajtorët në viktimë dhe - më keq - kërkon të bëjë presion politik në forumin evropian të futbollit, duke shpresuar në një vendim iluzion! I them drejtpërsëdrejti dhe qartë se sado që të mundohet nuk e deformon dot realitetin dhe se gjithsesi po ecën në rrugën e gabuar, sepse politika nuk ka vend në sport!
Sa për atë që ndodhi të premten mbrëma, e vërteta është vetëm një: fajtorët janë të qartë dhe nuk janë lojtarët rumunë dhe as publiku në Arenën Kombëtare! Mund ta pranoj që lojtarët e Kosovës luajtën më mirë, por kjo nuk është absolute për gjestin në fund të ndeshjes, për të cilin duhet të mbajnë pasojat! Dhe jam i sigurt se kjo është pikërisht ajo që do të ndodhë!
