Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
BOTA
Protesta pro-Palestinës, vritet aktivistja turko-amerikane në Bregun Perëndimor, Izraeli bombardon një shkollë gjatë natës
M.B.Përditësimi i fundit 7 Shtator 2024, 09:12
Aysrnur Egzi Eygiche
LINDJE E MESME- Nga Bregun Perëndimor u njoftua se është vrarë gjatë një proteste pro-palestineze në Nablus, aktivistja e njohur Aysrnur Egzi Eygiche, e cila ka nënshtetësi amerikano-turke, duke krijuar kështu një fërkim të ri të mundshëm midis Washingtonit dhe shtetit hebre. Kombet e Bashkuara kanë bërë thirrje për një hetim të plotë për vrasjen e aktivistes turko-amerikane Aysenur Ezgi Eygi.
"Ne do të donim të shohim një hetim të plotë mbi rrethanat e vdekjes së saj", tha zëdhënësi i sekretarit të përgjithshëm të OKB-së, Stephane Dujarric, duke shtuar se civilët duhet të mbrohen në çdo kohë.
Mediat e huaja shkruajnë se Izraeli gjatë natës ka bombarduar edhe disa strehimore në Gaza, teksa hodhi në erë një ambient që shërbente si shkollë, duke vrarë të paktën 8 persona dhe plagosur 15 të tjerë.
Kjo po ndodh pikërisht në kohën kur SHBA-ja vazhdon të përpiqet të kapërcejë hendekun midis pozicioneve që deri më tani ka penguar nënshkrimin e një armëpushimi në Gaza dhe Izraeli ka liruar kontrollin e tij në Jenin, objektivin e dhjetë ditëve të inkursioneve në territoret palestineze, në kërkim të atyre që i cilëson si terroristë të Hamasit.
Por edhe një sulm ajror kundër Pasdaranit në Siri, ka rindezur tensionin mes Shteteve të Bashkuara dhe Iranit në një kohë kur Washingtoni dhe Teherani po diskutojnë rifillimin e negociatave bërthamore, disa javë para zgjedhjeve presidenciale në SHBA.
