Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Protestat në Gjeorgji/ Demonstruesit nuk largohen nga Parlamenti pavarësisht garancisë së presidentit për dorëheqjen
n.fPërditësimi i fundit 16 Nëntor 2024, 20:30
Protesta
GJEORGJI- Protestuesit në Abkhazi sulmuan parlamentin dhe refuzuan të largoheshin nga ndërtesa edhe pasi presidenti i rajonit ua ofroi atyre si kusht dorëheqjen e tij. Demonstruesit sulmuan Parlamentin për të protestuar ndaj një marrëveshjeje investimi me Moskën.
Agjencia ruse e lajmeve RIA raportoi se presidenti, Aslan Bzania tha se do të jepte dorëheqjen dhe do të thërriste zgjedhje të parakohshme nëse protestuesit dalin nga parlamenti në kryeqytetin e Abkhazisë, Sukhumi, dhe propozojnë një nënpresident si president të përkohshëm.
"Kur ata të largohen nga ndërtesa, unë do të nënshkruaj letrën time të dorëheqjes dhe në zgjedhjet e reja do të shohim se sa mbështetje do të kenë", citon RIA të ketë thënë Bzania. Ai tha se planifikon të kandidojë në këto zgjedhje.
Protestuesit thanë në një deklaratë se veprimi i tyre nuk ishte i drejtuar kundër marrëdhënieve të ngushta të Abkhazisë me Rusinë, por akuzuan Bzania se po përpiqej t'i përdorte këto marrëdhënie për përfitimin e tij dhe duke i manipuluar ato për të forcuar regjimin e tij. Nga ana e saj, Moska tha se po monitoronte me shqetësim "situatën e krizës" dhe u bëri thirrje qytetarëve rusë të shmangin udhëtimin në Abkhazi.
Rusia njohu Abkhazinë dhe një rajon tjetër separatist, Osetinë e Jugut, si shtete të pavarura në vitin 2008, pasi mundi Gjeorgjinë në një luftë pesë-ditore. Ajo ruan bazat ushtarake në të dy rajonet dhe mbështet ekonomitë e tyre. Shumica e komunitetit ndërkombëtar e njeh Abkhazinë si pjesë të Gjeorgjisë, nga e cila u shkëput gjatë luftërave në fillim të viteve 1990
