Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Rezoluta për Srebrenicën/ Vulin ndaj Berlinit: Gjermania, vendi emri i dytë i të cilit është gjenocid dhe holokaust
E.DPërditësimi i fundit 22 Maj 2024, 22:50
SERBI- Zëvendëskryeministri i Serbisë, Aleksandar Vulin ka shpërthyer ndaj ministres së Punëve të Jashtme të Gjermanisë, Analene Baerbock dhe shtetit të saj pas qëndrimit të Berlinit zyrtar për gjenocidin në Srebrenicë. Vulin tha se kryediplomatja gjermane është mbesa e një ish-nazisti të dekoruar nga Hitleri e cila po shantazhon përfaqësuesit e vendeve që nuk do t’i shpallin serbët komb gjenocidal.
Gjithashtu sipas tij Gjermania është vendi, emri i dytë i të cilit është gjenocid dhe holokaust. Aleksandar Vulin theksoi se presidenti serb Aleksandar Vuçiç nuk do të qëndrojë pa bërë diçka përballë pushtetit gjerman.
Ai thotë se sado që Analena Burbok të imponojë një rezolutë për kolonitë e dikurshme dhe aktuale të Gjermanisë, e vërteta do të mbetet se ajo është mbesa e nazistëve, dhe Aleksandar Vuçiç është nipi i viktimës së Jasenovacit.
“Do të mbetet e vërtetë se gjermanët janë komb gjenocidi, kurse serbët jo. Dhe nuk ka forcë që do ta ndryshojë këtë," tha zëvendëskryeministri i Serbisë nga Teherani, ku ka marrë pjesë në ceremoninë mortore të Ebrahim Raisit, Presidentit të vrarë në aksident të Iranit.
