Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
BOTA
Rrëmbehet dhe dhunohet djali i biznesmenit në Greqi/ Autorët i kërkuan 25 mijë euro, mes tyre edhe këngëtari i njohur, ngrihen 11 akuza ndaj grupit
n.fPërditësimi i fundit 25 Maj 2025, 08:31
GREQI- Djali i një biznesmeni nga Athina ka kaluar orë tmerri pasi u rrëmbye nga 4 persona. Katër autorë e rrëmbyen atë dhe pasi e hipën në një makinë, e transportuan në zonën e Saronidës. Këngëtari i njohur Ivan Greko është gjithashtu i përfshirë në rrëmbim, ndërsa u ngrit ndjekje penale kundër të arrestuarve për një mori krimesh dhe kundërvajtjesh ligjore.
E gjitha filloi mëngjesin e 6 majit në rajonin e Hymettus, kur tre nga autorët e krimit sulmuan fizikisht djalin e biznesmenit dhe, duke përdorur një objekt të mprehtë, i shkaktuan goditje në gjymtyrët e poshtme. Ata e kërcënuan me jetë dhe e rrëmbyen.
Pasi hipën në një makinë, autorët i kërkuan 24-vjeçarit pagesën prej 25,000 eurosh dhe, përveç kësaj, një motoçikletë BMë me dy rrota me vlerë të paktën 25,000 euro. Në zonën e Saronidës atyre iu bashkua autori i katërt, i cili po udhëtonte me motoçikletë, ku kërcënimet vazhduan me përdorimin e armës së zjarri, në një plazh të zonës. Sipas ERT, autorët e krimit e torturuan 24-vjeçarin me thikë dhe kaçavidë gjatë gjithë rrugës nga Hymettus në Saronida.
Vuajtjet e 24-vjeçarit vazhduan për pesë orë, dhe më pas ai u detyrua të fliste me miqtë në telefon për të mbledhur shumën e kërkuar të parave. Autorët e pamëshirshëm u përpoqën të përdornin një prerës për t’ia prerë gishtat por nuk e përfunduan operacionin pasi 24-vjeçari rezistoi fort.
Më pas, autorët u nisën së bashku me të riun, me qëllim që të shkonin në zonën e Glyfadës , për të marrë një pjesë të shumës së parave që kërkuan. Gjatë rrugës, ai i shpëtoi autorëve dhe njoftoi një mik.
Katër të arrestuarit raportohet se kanë patur edhe më përpara probleme me drejtësinë. Sipas SKAI-t, disa dyshohet se janë anëtarë të një grupi zhvatjeje aktiv në Vari. I njëjti informacion raporton se ata akuzohen nga autoritetet për kërcënime, shkelje të kodit penal ushtarak dhe shkelje të Kodit Penal.
33-vjeçari i përfshirë në këtë rast u arrestua në vitin 2014 me akuzën e vrasjes me paramendim dhe vrasjes së mbetur në tentativë kundër dy vëllezërve në Agios Dimitrios, sipas të njëjtit informacion. Në të kaluarën, ai ishte arratisur nga burgu gjatë lejes dhe në vitin 2017 vodhi një makinë patrullimi me një oficer sigurie brenda. Sipas informacioneve, 33-vjeçari dyshohet se është i lidhur me një person që ishte viktimë e një tentative vrasjeje në Ano Liosia disa ditë më parë.
25-vjeçari i arrestuar është akuzuar gjithashtu për lëndime të rrezikshme trupore, prishje të qetësisë publike dhe kërcënime, ndërsa 23-vjeçari është akuzuar për dhunë ndaj punonjësve, përvetësim, grabitje dhe arratisje.
Ndaj grupit u ngrit ndjekje penale për rrëmbim dhe për një mori krimesh dhe kundërvajtjesh. Ndaj të katërve u ngrit ndjekje penale për 11 vepra penale, të cilat janë:
1) Rrëmbim personi me qëllim detyrimin e viktimave ose një personi tjetër për të kryer një akt mosveprimi ose tolerimi për të cilin nuk ka detyrim,
