Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Rritet në 234 numri i të vdekurve nga shembja e çatisë së klubit në Santo Domingo, 33-vjeçarja ndërron jetë pas 46 ditësh
n.fPërditësimi i fundit 26 Maj 2025, 08:08
SANTO DOMIGO- Numri i të vdekurve nga shembja e çatisë së klubit në Santo Domingo është rritur në 234 të vdekur. Një grua 33-vjeçare ndërroi jetë pas 46 ditësh nga ngjarja në njësinë e kujdesit intensiv. Ajo kishte pësuar lëndime shumë të rënda, veçanërisht në shpinë, sipas një deklarate nga spitali ku po trajtohej.
52 padi janë ngritur në gjykatat dominikane kundër menaxherëve dhe pronarëve të diskotekës. Por deri në këtë fazë nuk është ngritur asnjë ndjekje penale kundër askujt për katastrofën, e përshkruar si më e keqja në një shekull në Republikën Dominikane e cila i kushtoi, ndër të tjera, jetën këngëtares së famshme të merenges Ruby Perez, e cila ishte në skenë kur u shemb çatia.
Sipas disa ekspertëve, aksidenti ndoshta ndodhi për shkak të faktit se mbi çati ishte vendosur shumë peshë, mbi të gjitha pajisjet profesionale të ventilimit dhe kondicionimit të ajrit në hapësirë, si dhe përkeqësimit progresiv të përshtatshmërisë strukturore të ndërtesës për shkak të akumulimit të lagështisë dhe dridhjeve të zgjatura nga muzika në diapazon dhe vallëzimi i klientëve — probleme që u përkeqësuan nga mungesa e mbikëqyrjes dhe kontrolleve.
