Protestuesit kanë njoftuar se do të mblidhen sot në orën 9:00 para Parlamentit. Tubimit të studentëve u janë bashkuar edhe ...
BOTA
Rusët kërcënojnë ushtarët e tyre me ekzekutim nëse nuk i kthejnë territoret e humbura
E.DPërditësimi i fundit 4 Shkurt 2025, 20:03
RUSI- Komandantë rusë në rajonin e Kupianskut u kanë dhënë urdhër ushtarëve të tyre të rimarrin territoret e humbura dhe i kanë kërcënuar me ekzekutim nëse refuzojnë. Ushtarët ukrainas, pas sulmeve intensive, detyruan trupat ruse të braktisin pozicionet e tyre të avancuara pranë një vendbanimi në zonën e Kupianskut. Forcat ruse e intensifikuan sulmin ndaj Kupianskut në rajonin e Harkivit në shtator të vitit 2024, duke depërtuar drejt lagjeve industriale në verilindje.
Gjatë dhjetorit, forcat ukrainase zmbrapsën disa përpjekje për të hyrë në qytet. Rusia për muaj të tërë është përpjekur të krijojë një bazë përgjatë bregut lindor të lumit Oskil, duke synuar të anashkalojë pozicionet mbrojtëse ukrainase dhe të hapë rrugën për një sulm nga prapa ndaj Kupianskut. Presidenti i Ukrainës, Volodymyr Zelenskuy, së fundmi emëroi gjeneral-majorin, Mykhailo Drapatyi, komandantin e Forcave Tokësore të Ukrainës, si udhëheqës të Hortitsias, teksa Ukraina përpiqet të ndalojë përparimet ruse në këtë zonë.
Zyrtarët perëndimorë dhe ukrainas kanë theksuar vazhdimisht moralin e ulët të ushtarëve rusë që nga fillimi i luftës në shkallë të plotë. Moska përdor taktikën e njohur si “valët njerëzore”, ku trupat e saj përpiqen të mbizotërojnë mbi mbrojtësit ukrainas përmes epërsisë numerike, pavarësisht humbjeve të mëdha.
