Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Rusia akuza SHBA-Izrael: "Bordi i Paqes" u përdor si mbulesë për të sulmuar Iranin
PiranjatPërditësimi i fundit 18 Mars 2026, 18:35
Maria Zakharova
Maria Zakharova, zëdhënësja e Ministrisë së Jashtme ruse, ka akuzuar Shtetet e Bashkuara të Amerikës dhe Izraeli se kanë vënë në rrezik vendet arabe, duke përdorur çështjen e Gazës si mbulesë për objektivat e tyre kundër Irani.
Në një konferencë për shtyp, Zakharova u ndal te një takim i zhvilluar në Washington, rreth 10 ditë përpara asaj që ajo e cilësoi si sulm amerikano-izraelit ndaj Iranit. Sipas saj, mbledhja e të ashtuquajturit “Bordi i Paqes” për Gazën, i parashikuar edhe nga një rezolutë ndërkombëtare, nuk kishte si synim diskutimin real të situatës.
Ajo pretendoi se SHBA dhe Izraeli nuk kishin ndërmend të konsultoheshin me partnerët arabë, pavarësisht pasojave që mund të sillnin veprimet e tyre në rajon.
Sipas zëdhënëses ruse, çështja e Gazës është përdorur si një justifikim për të fshehur plane më të gjera gjeopolitike, duke përfshirë edhe veprime që ajo i cilësoi si agresive ndaj Iranit, ndërsa shtoi se këto zhvillime rrezikojnë të përshkallëzojnë më tej tensionet në Lindjen e Mesme.
"Sigurisht, është e rëndësishme të theksohet se 10 ditë para sulmit amerikano-izraelit ndaj Iranit, një takim i Këshillit të Paqes, krijimi i të cilit parashikohet edhe nga Rezoluta 2803, u mbajt në Uashington. Tani, mendoj se është e qartë për të gjithë se amerikanët dhe izraelitët as nuk kishin ndërmend të diskutonin veprimet e tyre me partnerët e tyre arabë, të cilët në fakt i vunë në rrezik duke përdorur çështjen e Gazës, përfshirë edhe për të mbuluar veprimet e tyre agresive kundër Iranit", deklaroi Zakharova.
