Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
BOTA
Rusia paralajmëron SHBA-në: Nuk do të ketë kurrë një traktat për armët bërthamore sipas kushteve tuaja
PiranjatPërditësimi i fundit 6 Shkurt 2026, 20:10
Ish-presidenti rus, Dmitry Medvedev, i ka bërë thirrje drejtuesve në SHBA që të jenë “të ndershëm” në lidhje me marrëveshjen për armët bërthamore.
Sipas mediave të huaja, sekretari amerikan i Shtetit, Marco Rubio, tha se Uashingtoni nuk do të nënshkruante një marrëveshje “për hir të marrëveshjes” dhe se ajo “nuk i shërbente më qëllimit të saj”, duke iu referuar traktatit “New Start” – afati i të cilit përfundoi dje.
Fundi i marrëveshjes “New Start” shënoi herën e parë në më shumë se gjysmë shekulli që bota nuk ka asnjë mekanizëm kontrolli mbi armët bërthamore.
Medvedev tha në një postim në rrjetet sociale se Departamenti Amerikan i Shtetit e kishte quajtur “New Start” “të metë” për shkak se nuk mbulonte armët bërthamore taktike dhe nuk përfshinte Kinën.
“Departamenti Amerikan i Shtetit (DASH) e ka quajtur traktatin e meparshem “New Start” “të metë”, pasi nuk mbulonte armët bërthamore taktike dhe as nuk përfshinte Kinën. Vërtet? Po, në lidhje me Britaninë e Madhe dhe Francën? Armët hipersonike? Deklarata e Uashingtonit do të thotë një gjë: nuk do të ketë kurrë një traktat sipas këtyre kushteve. Jini të sinqertë!”, tha sot zëvendëskryetari i Këshillit të Sigurisë së Rusisë, Dmitry Medvedev në një postim në X.
