Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
BOTA
Shkrimi është POROSITUR Gazeta 'New York Times' i përgjigjet Vuçiç: Ju keni lidhje me krimin, shkrimi është bazuar në fakte
PiranjatPërditësimi i fundit 11 Maj 2023, 22:04
SERBI- Gazeta prestigjoze 'New York Times' publikoi disa ditë më parë një artikull për presidentin e Serbisë, Aleksandër Vuçiç, si dhe për lidhjet e tij me bandat kriminale kur ai erdhi në pushtet në vitin 2012. Ky shkrim, siç pritej, ka hasur në reagimin e ashpër të Vuçiçit, i cili ka thënë se është porositur dhe shkruar në Serbi. Nga ana tjetër redaksia e 'New York Times', në përgjigjen e saj për median serbe Nova.rs., tha se shkrimi është bazuar në fakte, e bazuar në dhjetëra intervista, dokumente, procesverbale gjyqësore dhe punën rigoroze në terren të gazetarit të tyre Robert Worth.
“E di që teksti në “New York Times” është porositur, e kanë bërë nga këtu”. E kuptova mesazhin, nuk u tremba, as nuk jam magjepsur nga gënjeshtrat që shpërndani. Thonë se Vuçiç dikur shkonte dhe luftonte nëpër stadiume. Nuk jam krenar për këtë dhe as nuk e kam fshehur ndonjëherë”, tha Vuçiç.
Përgjigja e redaksisë së New York Times.
“Artikulli i New York Times Magazine mbi gjyqin serb dhe lidhjet mes lidershipit më të lartë të vendit dhe bandave të dhunshme të drogës bazohet në dhjetëra intervista, dokumente, transkripta gjyqësore dhe raportime rigoroze në terren nga Robert Worth. Çdo insinuatë tjetër është e rreme”, thuhet në reagim.
Në një artikull të gjatë përmenden detaje të krimeve të kryera nga banda e Veljko Belivuk. Ai është lideri i Janjicarit, një grup i njohur i ashtuquajtur i tifozëve të futbollit.
“Lideri i kësaj bande është një huligan, tregtar kokaine, Veljko Belivuk, i akuzuar për vrasje dhe krime të tjera të rënda. Ai ka marrëdhënie të mira me policinë dhe agjencitë e inteligjencës. Ai dhe njerëzit e tij u fotografuan me njerëz të fuqishëm, mes tyre edhe djali i presidentit, Danilo Vuçiç”, thuhet në artikull.
Belivuk dhe 29 anëtarë të grupit të tij u arrestuan në vitin 2021. Sipas transkripteve të gjykatës, Belivuk më vonë pranoi se grupi i tij punonte nën urdhrat e Vuçiçit, duke u shërbyer nevojave të shtetit.
