Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Shpërthimi i rafinerisë në Firence/ Pamje nga vendi i ngjarjes, dy persona të vdekur, 4 të tjerë ende të zhdukur (VIDEO)
n.fPërditësimi i fundit 9 Dhjetor 2024, 15:45
Zjarri
ITALI- Dy të vdekur, tetë të plagosur dhe katër të zhdukur është bilanci i shpërthimit të një magazine karburanti në Calenzano të Firences në Itali. Shpërthimi është ndjerë edhe në qytete larg vendit ku ka ndodhur.
"Të gjitha spitalet dhe dhomat e urgjencës janë vënë në gatishmëri," tha guvernatori i Toskanës, Eugenio Ghani, në mediat sociale.
Departamenti i Mbrojtjes Civile ka aktivizuar një alarm për një rreze prej 5 kilometrash nga zona e shpërthimit të ndodhur në Calenzano, duke u bërë thirrje njerëzve të mbajnë dritaret të mbyllura dhe të mos i afrohen zonës. Shpërthimi ndodhi në një zonë të caktuar si pikë ngarkimi ku mbushen cisternat me karburant. Më shumë se një automjet duket se janë përfshirë.
“Aksidenti krijoi një valë tronditëse të konsiderueshme e cila theu xhamat e shumë shtëpive. Situata është sërish nën kontroll, tani po vlerësojmë se çfarë të bëjmë dhe ku të ndërhyjmë me Prefekturën. Udhëzimi është të mos dilni në shtëpi dhe të mbani dritaret të mbyllura”, tha kryetari i bashkisë së Calenzanos, Giuseppe Carovani.
