Një skemë e frikshme dhe e paprecedentë po zhvillohet në dëm të pasurisë publike dhe private në Shqipëri, ku aset...
BOTA
Sot në Uashington bisedimet Izrael-Liban, provokon Hezbollahu: S’do t’i përmbahemi asnjërës prej marrëveshjeve
PiranjatPërditësimi i fundit 14 Prill 2026, 08:19
Organizata libaneze Hezbollah nuk do t’i përmbahet asnjë marrëveshjeje që mund të dalë nga bisedimet e drejtpërdrejta mes Libanit dhe Izraelit, të cilat nisin sot në Shtetet e Bashkuara të Amerikës, deklaroi një zyrtar i lartë i saj. Vafik Safa, anëtar i lartë i këshillit politik të Hezbollahut, foli në prag të takimeve që do të zhvillohen në Uashington midis ambasadorëve libanezë dhe izraelitë.
“Sa u përket rezultateve të këtyre negociatave mes Libanit dhe armikut izraelit, ato nuk na interesojnë dhe nuk na shqetësojnë aspak”, u shpreh Safaja në një deklaratë për Associated Press. Një ditë më parë, udhëheqësi i Hezbollahut, Naim Qassem, bëri thirrje për anulimin e bisedimeve, duke i cilësuar ato si “dorëzim”.
“Ne i refuzojmë negociatat me entitetin izraelit. Këto bisedime përbëjnë nënshtrim dhe dorëzim”, theksoi Qassemi gjatë një fjalimi televiziv, duke kërkuar anulimin e takimit. Në negociata pritet të marrë pjesë edhe Sekretari i Shtetit i SHBA-së, Marco Rubio, sipas konfirmimit të Departamenti i Shtetit i SHBA-së. Një zyrtar i këtij institucioni deklaroi se, si rezultat i drejtpërdrejtë i veprimeve të Hezbollahut, qeveritë e Izraelit dhe Libanit po hyjnë në bisedime të hapura, të drejtpërdrejta dhe të nivelit të lartë – të parat e këtij lloji që nga viti 1993 – me ndërmjetësimin e Shteteve të Bashkuara.
Sipas tij, diskutimet do të përqendrohen në sigurimin afatgjatë të kufirit verior të Izraelit dhe në mbështetjen e përpjekjeve të Libanit për të rifituar sovranitetin e plotë mbi territorin dhe jetën e tij politike. Ai shtoi se Izraeli është në konflikt me Hezbollahun, jo me Libanin, ndaj nuk ka arsye që dy vendet fqinje të mos dialogojnë.
Kryeministrja italiane Giorgia Meloni ka kritikuar ashpër Presidentin amerikan Donald Trump pas deklaratave të tij ndaj Papa Leonit XIV, duke i cil&eu...
