Policia e Shtetit ka nxjerrë një shkresë urgjente drejtuar komisariateve të Tiranës, ku kërkon marrjen e një sërë...
AKTUALITET
SPAK shtoi akuzat, Balluku kërkon rikthimin në detyrë! Caktohet relatori në Gjykatën e Lartë
PiranjatPërditësimi i fundit 10 Qershor 2026, 09:34
Në Gjykatën e Lartë është hedhur shorti për shqyrtimin e kërkesës së ish-zv.kryeministres Belinda Balluku për shuarjen e masës së pezullimit nga detyra. Relator i çështjes është caktuar gjyqtari Ilir Panda.
Dosja do të shqyrtohet në dhomë këshillimi, ndërsa ende nuk është përcaktuar data e seancës. Balluku iu drejtua Gjykatës së Lartë pasi kërkesa e saj për heqjen e masës së sigurisë “pezullim nga detyra” u rrëzua më herët nga Gjykata e Posaçme dhe Apeli i Posaçëm.
Ndërkohë, paralelisht me këtë proces, SPAK ka zgjeruar hetimet ndaj saj. Përveç akuzave që lidhen me shkelje në procedurat e tenderimit, ish-zyrtarja po hetohet edhe për korrupsion dhe pastrim parash.
Sipas Prokurorisë së Posaçme, hetimet kanë zbuluar parregullsi në dy tendera me vlerë mbi 1 milion euro, të zhvilluar gjatë periudhës kur Balluku drejtonte “Albcontrol”. SPAK pretendon se kontratat janë favorizuar në kundërshtim me ligjin për një kompani ndërtimi dhe se si përfitim i paligjshëm është marrë një vilë në Dhërmi me vlerë rreth 145 mijë euro.
Vila në fjalë është sekuestruarme vendim të Gjykatës së Posaçme kundër Korrupsionit dhe Krimit të Organizuar.
Ndërkohë një ditë më parë, u raportua se SPAK po ashtu i është drejtuar me një autorizimin të dytë Kuvendit, për heqjen e imunitetit dhe autorizimin e arrestimit të Ballukut. Sipas raportimeve, shkresa pritet të dërgohet në Komisionin e Mandateve gjatë kësaj jave.
