Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
BOTA
Studimi: Njerëzit me diabet të tipit 2 kanë rrezik më të lartë të zhvillimit të astmës
n.fPërditësimi i fundit 10 Shtator 2024, 09:13
Foto ilustruese
MADRID- Njerëzit me diabet të tipit 2 kanë një rrezik më të lartë të zhvillimit të astmës ka zbuluar një studim i madh i kryer në Tajvan dhe i prezantuar së fundmi në konferencën vjetore të Shoqatës Evropiane për Studimin e Diabetit (EASD) në Madrid. Sipas studimit, të udhëhequr nga Nam Nguyen nga Universiteti Mjekësor Taipei në Tajvan, vazhduan me meta-analizimin e të dhënave nga 14 studime të kryera në disa vende në Evropë, Amerikë dhe Azi.
Shumica e pjesëmarrësve ishin të moshës 50-70 vjeç. Rezultatet treguan se astma dhe diabeti janë të ndërlidhura: njerëzit me astmë kanë 28% më shumë gjasa të zhvillojnë diabetin e tipit 2 sesa njerëzit pa astmë. Gjithashtu, njerëzit me diabet të tipit 2 kanë pothuajse dy herë më shumë gjasa të zhvillojnë astmë sesa njerëzit pa diabet.
Kjo sugjeron, sipas studiuesve, se të dy gjendjet mund të kenë disa nga të njëjtat shkaqe themelore ose të kenë faktorë të tjerë të përbashkët. Analiza e mëtejshme tregoi se disa faktorë, duke përfshirë hipertensionin dhe dislipideminë (siç është rritja e kolesterolit total, LDL dhe triglicerideve dhe ulja e HDL), duket se lidhen me një rrezik në rritje si për astmën ashtu edhe për diabetin e tipit 2.
Rreziku i diabetit u zbulua se rritej me ashpërsinë e astmës, por jo me kohëzgjatjen e astmës. Rezultatet e studimit theksojnë, siç theksojnë studiuesit, rëndësinë e shqyrtimit për astmën kur diagnostikohet diabeti i tipit 2 dhe për diabetin e tipit 2 kur diagnostikohet astma.
