Protestuesit kanë njoftuar se do të mblidhen sot në orën 9:00 para Parlamentit. Tubimit të studentëve u janë bashkuar edhe ...
BOTA
Stuhia "Beryl" godet Kanadanë, në pak orë u përmbytën disa qytete, humb jetën një i ri
n.fPërditësimi i fundit 13 Korrik 2024, 08:27
Stuhia
KANADA- Një i ri është gjetur i vdekur pasi u përfshi nga një stuhi në Nova Scotia, një provincë në brigjet e Atlantikut të Kanadasë. Kanadaja u përfshi nga stuhia Beryl 48 orët e fundit. Viktima po luante me miqtë dje të enjten në një park në Wolfville kur ndodhi një përmbytje. I riu u përfshi nga uji dhe përfundoi në një "gropë plot me ujë", thanë autoritetet.
Reshje shumë të mëdha shiu u regjistruan brenda një periudhe shumë të shkurtër kohore, shpjegoi Ed Nugent i Policisë Mbretërore Kanadeze të Montuar gjatë një konference për shtyp. Trupi u gjet disa orë më vonë ndwrsa niveli i ujit dhe errësira e vështirësuan punën e ekipeve të kërkim-shpëtimit.
Zjarrfikësit u desh të ndërhynin në disa lokacione të tjera në provincë për të nxjerrë njerëzit nga shtëpitë e tyre që ishin zhytur në ujë, ndërsa të paktën një urë rrugore u përmbyt. Dje shumë rrugë ishin të pakalueshme.
Sipas Environment Canada, më shumë se 100 milimetra shi ranë në pak orë. Një vit më parë, e njëjta krahinë mbajti zi për humbjen e katër jetëve, mes të cilëve edhe këta dy fëmijë të vegjël, për shkak të përmbytjeve rekord. Pasi goditi Karaibet dhe Venezuelën si një stuhi e kategorisë 5 në shkallën Saffir-Simpson, duke vrarë të paktën 10, Beryl shkaktoi tetë vdekje të tjera dhe dëme të përhapura në SHBA.
