Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
Stuhia "Dara"/ Humbin jetën dy persona në Britani, pemët ranë sipër makinave që drejtonin
n.fPërditësimi i fundit 8 Dhjetor 2024, 15:00
Foto ilustruese
BRITANI- Dy të vdekur janë numri i deritanishëm i viktimave të stuhisë Dara që ka prekur Mbretërinë e Bashkuar dhe Irlandën ditët e fundit. Një burrë rreth të 40-tave vdiq kur një pemë ra mbi automjetin që po drejtonte në Preston, Anglia veriperëndimore, rreth 60 km në veri të Mançesterit, ndërsa një burrë tjetër u vra gjatë qarkullimit në kushte të ngjashme më në jug në një zonë jashtë Birminghamit.
Erërat në disa zona arritën shpejtësinë 149 kilometra në orë duke shkaktuar probleme serioze në të gjitha mjetet e transportit, ndërsa autoritetet rekomandojnë që qytetarët të qëndrojnë në shtëpi për t'u mbrojtur. Mijëra familje janë ende pa energji elektrike.
Disa njësi origjinale 150-vjeçare në Skelën Llandudno në Uellsin verior janë hequr nga themelet e tyre dhe janë hedhur në anën e tyre. Dje, për arsye parandaluese, u mbyllën parqet dhe shumë tregje të Krishtlindjeve, mes tyre edhe parku i famshëm i Krishtlindjeve Winter Wonderland në Londër. Njerëzit në pjesë të Uellsit dhe Anglisë jugperëndimore morën paralajmërime në telefonat e tyre celularë për stuhinë Dara.
“Ky është përdorimi më i përhapur i sistemit të paralajmërimit që është aktivizuar ndonjëherë në vend”, theksojnë mediat britanike.
Vlen të theksohet se Met Office në Britani lëshon paralajmërime të kuqe vetëm kur vlerësohet se fenomenet e motit kërcënojnë jetë njerëzish. Pemët e rrëzuara bllokojnë rrugët në Galway pasi qindra mijëra kanë mbetur pa energji elektrike. Edhe pse alarmi i kuq i sotëm ka përfunduar, ka një paralajmërim të verdhë për erëra të forta në Angli dhe Uells deri në mbrëmjen e së dielës.
