Kryetari i Partisë Demokratike, Sali Berisha, e ka nisur mbledhjen e grupit parlamentar duke komentuar aktgjykimin e Gjykatës Speciale në Hag&e...
BOTA
Stuhia e fortë dimërore godet 13 shtete të SHBA-së: Mbi 38 cm borë dhe akull
PiranjatPërditësimi i fundit 10 Nëntor 2025, 21:36
Shërbimi Kombëtar i Motit i Shteteve të Bashkuara (NWS) ka lëshuar një paralajmërim për stuhi dimërore që pritet të përfshijë 13 shtete amerikane, me reshje të dendura dëbore, ngrica dhe erëra të forta.
Sipas raportimeve të Newsweek, në disa rajone mund të bien më shumë se 38 centimetra dëborë, ndërsa meteorologët paralajmërojnë për kushte të rrezikshme udhëtimi dhe pamundësi për qarkullim në rrugë.
Stuhia pritet të godasë Tenesin, Karolinën e Veriut, Virxhinian, Illinoisin, Indianën, Michiganin, Pensilvaninë, Ohajon, Nju Jorkun, Kentakin, Wisconsinin, Marylandin dhe Maine. Reshjet më intensive parashikohen nga nata e së dielës deri të hënën, ndërsa në disa zona do të vazhdojnë deri të martën.
“Udhëtimet e mëngjesit dhe të mbrëmjes mund të preken ndjeshëm, me dukshmëri të ulët dhe rrugë të rrëshqitshme ose të pakalueshme”, thuhet në njoftimin e NWS.
Në zonat me lartësi mbi 450 metra, parashikohet të bien deri në 5 centimetra borë shtesë. Autoritetet u kanë bërë thirrje banorëve që të ndjekin me kujdes njoftimet e motit dhe të shmangin udhëtimet e panevojshme.
Për drejtuesit e automjeteve, rekomandohet të kenë me vete një elektrik dore, ushqim, ujë dhe veshje të ngrohta, për çdo rast emergjence.
