Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Stuhia më e fortë në vend në 90 vite, qindra persona kanë humbur jetën pasi cikloni Chido goditit Mayotte
r.llPërditësimi i fundit 16 Dhjetor 2024, 09:29
foto nga shkaterrimet
FRANCË- Qindra njerëz dyshohet se kanë vdekur në Mayotte pasi territori francez i Oqeanit Indian u godit nga një ciklon i fuqishëm. Vendbanime të tëra u rrafshuan kur cikloni Chido solli shpejtësi të erës prej më shumë se 225 km/h (140 mph). Parashikuesi Meteo-France tha se Chido ishte stuhia më e fortë që goditi ishujt në më shumë se 90 vjet.
Ndërkohë punonjësit e kërkim-shpëtimit, duke përfshirë përforcime nga Franca, po kontrollojnë në shkatërrimet e lëna pas në kërkim të të mbijetuarve. Dëmtimi i gjerë i infrastrukturës, me linja të rrëzuara të energjisë dhe rrugë të pakalueshme, po pengon rëndë operacionet e emergjencës.
Një pjesë nga popullsia prej 320,000 banorësh të Mayotte kanë thënë se po luftojnë me mungesa të mëdha ushqimi, uji dhe strehimi. Një banor i kryeqytetit, Mamoudzou, duke pritur në një radhë për furnizime tha: "Ne kemi tre ditë që nuk kemi ujë, kështu që ka filluar të jetë shumë. Po përpiqemi të marrim minimumin për të jetuar, sepse nuk e dimë se kur do të kthehet uji."
Një tjetër banor i Mamoudzou, John Balloz, tha se ishte i befasuar që nuk vdiq kur goditi cikloni. Mohamed Ismael, i cili gjithashtu jeton në kryeqytet, i tha agjencisë së lajmeve Reuters se situata atje ishte "një tragjedi" dhe tha: "Ndjehemi sikur jemi pas një lufte bërthamore... Pashë një lagje të tërë që u zhduk."
Komunitetet e varfëra të Mayotte, duke përfshirë emigrantët pa dokumente që kanë udhëtuar në territorin francez në përpjekje për të kërkuar azil, mendohet se janë goditur veçanërisht rëndë për shkak të natyrës së pambrojtur të strehimit të tyre. Popullsia e saj është shumë e varur nga ndihma financiare franceze dhe ka luftuar prej kohësh me varfërinë, papunësinë dhe paqëndrueshmërinë politike. Rreth 75% e popullsisë jeton nën kufirin kombëtar të varfërisë dhe një në 3 persona është i papunë, shkruan BBC.
Presidenti francez Emmanuel Macron tha se mendimet e tij ishin me bashkatdhetarët tanë në Mayotte, të cilët kanë kaluar orët më të tmerrshme dhe që për disa kanë humbur gjithçka, mes tyre kanë humbur jetën. Francois-Xavier Bieuville, prefekti i ishullit, tha për mediat lokale se numri i të vdekurve mund të rritet ndjeshëm pasi dëmi të vlerësohet plotësisht. Ai paralajmëroi se do të jetë patjetër disa qindra dhe mund të arrijë mijëra.
Ministri i Brendshëm francez Bruno Retailleau, i cili është planifikuar të vizitojë ishullin për të vlerësuar dëmet dhe për të koordinuar përpjekjet e mëtejshme të ndihmës, pranoi ashpërsinë e jashtëzakonshme të ciklonit dhe siguroi se përpjekjet për të ndihmuar popullsinë po rriteshin.
Cikloni Chido ra në tokë edhe në Mozambik, ku solli përmbytje të shpejta, shkuli pemë dhe dëmtoi ndërtesa rreth 25 milje (40 km) në jug të qytetit verior të Pembas. Cikloni shkaktoi dëme strukturore dhe ndërprerje të energjisë në provincat veriore bregdetare të Nampula dhe Cabo Delgado mëngjesin e së shtunës, njoftuan autoritetet lokale.
