Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Vrasjet dhe tentativat për vrasje të liderëve në Evropë ndër vite
n.fPërditësimi i fundit 16 Maj 2024, 09:44
Liderëve që iu bënë atentat
STOCKHOLM- Kryeministri sllovak, Robert Fico u qëllua dhe u plagos të mërkurën, duke u bërë lideri i fundit evropian që u bë objektivi i një atentati. Mediat sllovake thanë se vrasësi ishte një burrë 71-vjeçar, por motivi nuk ishte i qartë.
Ndërsa tentativat për vrasjen e liderëve në Evropë kanë qenë relativisht të rralla gjatë 50 viteve të fundit, një numër politikanësh të shquar evropianë kanë qenë objektiva të sulmeve në dekadat e fundit. Reuters ka përmbledhur disa atentate të regjistruara ndërvite kunder politikanëve në Europë ndërvite.
Ministrja e Jashtme suedeze dhe politikania kryesore socialdemokrate Anna Lindh u plagos për vdekje në një goditje me thikë në një dyqan në qendër të Stokholmit në shtator 2003. Sulmuesi u kap dy javë më vonë dhe u dënua me burgim të përjetshëm.
Kryeministri serb Zoran Gjinxhiç u vra në mars 2003, në Beograd, Serbi. Gjingjiq ishte një politikan pro-perëndimor që kishte udhëhequr rrëzimin e autokratit Slobodan Millosheviç në vitin 2000.
Presidenti francez Zhak Shirak i mbijetoi një atentati në korrik 2002, pasi një sulmues qëlloi me një plumb në drejtim të tij, por humbi teksa po rishikonte trupat në Ditën e Bastiljes.
Një politikan i njohur holandez i cili ishte kritik ndaj imigracionit dhe Islamit, Fortuyn u vra në maj 2002, nëntë ditë përpara zgjedhjeve të përgjithshme. Ai u qëllua dhe u vra nga një aktivist për të drejtat e kafshëve.
Politikani gjerman Wolfgang Schauble mbeti pjesërisht i paralizuar pasi u qëllua tre herë në një ngjarje të fushatës zgjedhore vetëm disa ditë pas ribashkimit të Gjermanisë në 1990.
Kryeministri suedez socialdemokrat Olof Palme u vra në një rrugë në qendër të Stokholmit në shkurt të vitit 1986 teksa po shkonte në shtëpi me gruan e tij pas një mbrëmjeje në një kinema. I dyshuari, i cili u dënua në vitin 1988, u shpall i pafajshëm në apel.
Kryeministrja britanike Margaret Thatcher, e quajtur “Zonja e Hekurt”, i shpëtoi për pak një shpërthimi të madh në një hotel ku ajo po qëndronte në Brighton, Angli. Një bombë me vonesë të gjatë ishte vendosur në hotel përpara konferencës së Partisë Konservatore nga anëtarë të Ushtrisë së Përkohshme Republikane Irlandeze (IRA). 5 persona u vranë nga shpërthimi.
Ish-kryeministri dhe presidenti i kristiandemokratëve të Italisë Aldo Moro u rrëmbye nga anëtarët e grupit militant të ekstremit të majtë Brigadat e Kuqe në mars 1978, të cilët kërkuan lirimin e të burgosurve në këmbim të lirimit të tij. Rreth dy muaj më vonë, ai u gjet i vdekur në bagazhin e një makine.
Menjëherë pasi u bë kryeministër spanjoll në vitet e fundit para vdekjes së diktatorit të krahut të djathtë Francisco Franco, Luis Carrero Blanco u vra në një bombë në një rrugë në Madrid nga grupi militant nacionalist bask ETA.
