Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Të shtënat me armë në një shkollë në Gjeorgji/ Arrestohet babai i djalit që shkatoi masakra
E.DPërditësimi i fundit 6 Shtator 2024, 15:50
SHBA- Babai i një djali 14-vjeçar i akuzuar për vrasjen e katër personave dhe plagosjen e nëntë të tjerëve në një shkollë të mesme të të SHBA- së është asrrestuar. Gjithashtu ai përballet me akuza, duke përfshirë vrasje të shkallës së dytë dhe vrasje të pavullnetshme për lejimin e djalit të tij të zotëronte një armë.
Ai është shembulli i fundit i prokurorëve që i mbajnë prindërit përgjegjës për veprimet e fëmijëve të tyre në të shtënat në shkolla. Në prill, prindërit e Miçiganit, Jennifer dhe James Crumbley, ishin të parët të dënuar për të shtënat masive në një shkollë në SHBA. Ata u dënuan me të paktën 10 vjet burg për mossigurimin e armës së zjarrit në shtëpi dhe sjelljen indiferente ndaj shenjave të përkeqësimit të shëndetit mendor të djalit të tyre, përpara se ai të vriste katër studentë në vitin 2021.
Colin Grey, 54 vjeç, babai i agresorit të supozuar Colt Grey, u akuzua për katër akuza për vrasje të pavullnetshme, dy akuza për vrasje të shkallës së dytë dhe tetë akuza për mizori ndaj fëmijëve, tha në një konferencë shtypi drejtori i Byrosë së Hetimit në Georgia, Chris Hosey.
“Akuzat e tij janë të lidhura drejtpërdrejt me veprimet e djalit të tij dhe lejimin e tij për të mbajtur një armë,” tha Hosey.
Në Georgia, vrasja e shkallës së dytë do të thotë që një person ka shkaktuar vdekjen e një personi tjetër, ndërsa kryen mizori të shkallës së dytë ndaj fëmijëve, pavarësisht nga qëllimi. Ai dënohet nga 10 deri në 30 vjet burg, ndërsa vrasja me dashje dhe vrasja e rëndë parashikojnë një dënim minimal të përjetshëm. Vrasje e pavullnetshme do të thotë që dikush pa dashje ka shkaktuar vdekjen e një personi tjetër. Babë e bir janë akuzuar për vdekjen e studentëve Mason Schermerhorn dhe Christian Angulo, të dy 14 vjeç, dhe mësuesve Richard Aspinuall, 39 vjeç dhe Cristina Irimie, 53, sipas Hosey.
