Qytetarët do të mblidhen sërish sot në sheshin përpara Kryeministrisë, ndërsa shënohet dita e 102-të e revolt&eum...
BOTA
“Ti je i çmendur”/ Trump konfirmon telefonatën e tensionuar me Netanyahun
PiranjatPërditësimi i fundit 3 Qershor 2026, 17:21
Presidenti amerikan, Donald Trump ka konfirmuar se e ka quajtur kryeministrin izraelit, Benjamin Netanyahu “të çmendur” gjatë një telefonate të hënën, por këmbënguli se prapë shkojnë mirë me njëri-tjetrin.
Në një intervistë ekskluzive për podkastin “Pod Force One” të gazetës ‘‘The New York Post’ Trump tha se ishte i shqetësuar nga përshkallëzimi i luftimeve mes Izraelit dhe Libanit, por nënvizoi se raportet e tij me Netanyahun mbeten pozitive.
“Isha pak i shqetësuar nga luftimet e vazhdueshme me Libanin. Kemi punuar shumë mirë së bashku. Më pëlqen shumë Bibi dhe bashkëpunoj shumë mirë me të”, deklaroi Trump, duke shtuar se këto zhvillime rrezikojnë negociatat për paqe mes Shteteve të Bashkuara dhe Iranit.
Mediat shkruajnë se sulmet kanë rrezikuar bisedimet e paqes SHBA-Iran për shkak të këmbënguljes së Teheranit që shënjestrimi izraelit i Hezbollahut të ndalet përpara se të arrihet një marrëveshje për të rihapur Ngushticën e Hormuzit dhe më pas për të çmontuar programin bërthamor të Iranit.
Edhe pse presidenti tha se është i frustruar nga mundësia që konflikti anësor mund të prishë një paqe më të gjerë, ai tha se mbetet optimist se do të arrijë një marrëveshje mjaft shpejt. Një memorandum mirëkuptimi midis SHBA-së dhe Iranit mund të rihapë Ngushticën e Hormuzit që këtë javë, duke lehtësuar krizën e energjisë që shkaktoi rritjen e çmimeve të benzinës dhe inflacionin.
