Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
BOTA
Tragjedi në Yosemite/ Influencuesi 23-vjeçar humb jetën gjatë një transmetimi LIVE – Nëna: “Dua të zgjohem nga ky makth”
PiranjatPërditësimi i fundit 3 Tetor 2025, 15:01
një ngjarje e rëndë ka tronditur rrjetet sociale dhe komunitetin e alpinistëve. Një influencues 23-vjeçar, i apasionuar pas ngjitjes, ka ndërruar jetë gjatë një transmetimi të drejtpërdrejtë, teksa po ngjitej në El Capitan, formacionin shkëmbor ikonik në Parkun Kombëtar Yosemite.
Viktima është identifikuar si Balin Miller, i cili humbi jetën të mërkurën, sipas konfirmimit që dha e ëma e tij, Jeanine Girard-Moorman, për “Associated Press”.
“Ai ka nisur ngjitjet që kur ishte një fëmijë. Zemra dhe shpirti i tij ishin gjithmonë tek ngjitja. E donte këtë pasion, nuk kishte lidhje me paranë apo famën”, shkroi ajo në një postim prekës në Facebook.
Me dhimbje të madhe, ajo shtoi: “Me zemër të thyer më duhet të them se djali im i mrekullueshëm Balin Miller vdiq gjatë një aksidenti ngjitjeje. Zemra ime është copëtuar në një milion copa. Nuk e di si do ta përballoj këtë. Dua të zgjohem nga ky makth i tmerrshëm”.
Ngjarja ndodhi ndërsa Miller kishte arritur në majë, por u përpoq të merrte çantat e mbetura të ngecura në një shkëmb. Pikërisht në atë moment ai humbi ekuilibrin dhe ra fatalisht, duke lënë të shokuar mijëra ndjekës që e ndiqnin live ngjitjen e tij.
Një nga fanset e tij, Michelle Derrick, e cila kishte ndjekur aventurën katërditore të Millerit, shkroi në rrjetet sociale: “Ai arriti majën, por iu desh të tërhiqte çantat që kishin ngecur. Teksa po përpiqej, ai ra para syve tanë. Ishte e tmerrshme”.
Ngjarja ka hapur një debat të gjerë mbi rreziqet e alpinizmit ekstrem dhe ndarjen e aventurave të tilla në transmetim të drejtpërdrejtë, ku ndjekësit shpesh bëhen dëshmitarë të tragjedive në kohë reale.
