Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
BOTA
Tragjike në ujërat e Haitit, varka me dhjetëra emigrantë përfshihet nga flakët, 40 prej tyre humbin jetën
E.DPërditësimi i fundit 19 Korrik 2024, 21:39
HAIT- 40 persona kanë vdekur pasi varka me të cilën po udhëtonin u përfshi nga zjarri në brigjet e Haitit në fillim të kësaj jave, njoftoi të premten Organizata Ndërkombëtare për Migracionin (IOM). IMO tha se anija u largua nga Haiti të mërkurën me mbi 80 emigrantë dhe u nis për në Turks dhe Caicos. GJithashtu 41 të mbijetuar u shpëtuan nga Roja Bregdetare e Haitit. Në një deklaratë, Grégoire Goodstein, shefi i misionit të IOM-it në vend, fajësoi për tragjedinë krizën spirale të sigurisë në Haiti dhe mungesën e rrugëve të sigurta dhe ligjore për migrimin.
“Situata socio-ekonomike e Haitit është në agoni. Dhuna ekstreme gjatë muajve të fundit vetëm sa ka bërë që njerëzit të përdorin masa të dëshpëruara edhe më shumë,” tha ai.
Haiti po përballet me dhunën e bandave, një sistem shëndetësor në kolaps dhe mungesën e aksesit në furnizimet thelbësore, duke bërë që shumë njerëz të nisin udhëtime të rrezikshme jashtë vendit. Kriza e kombit të Karaibeve u përshkallëzua në fillim të këtij viti kur shpërtheu lufta e bandave, duke detyruar dorëheqjen e qeverisë së atëhershme. Sipas të dhënave të IOM-it, numri i përpjekjeve për migrim me anije nga Haiti është rritur që atëherë.
