Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Tregjet financiare europiane me rritje, të nxitur nga përmirësimi i Wall Street
n.fPërditësimi i fundit 7 Gusht 2024, 14:35
Foto ilustruese
LONDËR- Aksionet europiane u hapën më lart të mërkurën, ndërsa tregjet globale financiare presin të rriten pas rënies së të hënës. Stoxx 600 pan-europiane u rrit me 0.7% në orën 8:55 të mëngjesit me orën e Londrës, dhe shumica e bursave dhe sektorëve rajonalë ishin me fitime. Aksionet e bankave ishin të 1.68% më të larta.
Tregjet rajonale kanë shënuar luhatje të mëdha, që nga rënia e mprehtë e tregut global të hënën; të martën, bursat europiane u hapën më lart, por u ulën më vonë në një sesion tregtimi të paqëndrueshëm.
Megjithatë, rimëkëmbja e Wall Street të martën, pas një rënieje tre-ditore, po ndihmon në përmirësimin e besimit global. Tregjet e Azisë-Paqësorit u rritën gjatë natës, ndërsa kontratat e së ardhmes në SHBA ishin më të larta të martën në mbrëmje.
Zëvendësguvernatori i Bankës së Japonisë thotë se banka qendrore nuk do të rrisë normat ndërsa tregjet janë të paqëndrueshme
Banka e Japonisë nuk do të rrisë normat ndërsa tregjet janë të paqëndrueshme, tha zëvendësguvernatorja Uchida Shinichi në një fjalim të mërkurën. Tregjet japoneze kanë shënuar rënie këtë javë, duke shënuar të hënën shitjet më të mëdha, që nga e hëna e zezë në 1987. Ndërsa të martën shënuan ditën më të mirë të rritjes të martën, që nga tetori 2008.
Uchida vuri në dukje se ndryshe nga Europa ose Shtetet e Bashkuara, “ekonomia e Japonisë nuk është në një situatë ku banka mund të mbetet prapa, nëse nuk rrit normën e interesit të politikës me një ritëm të caktuar.”
“Prandaj, Banka e Japonië nuk do të rrisë normën e saj të interesit kur tregjet financiare dhe të kapitalit janë të paqëndrueshme,” tha ai.
Kontratat e së ardhmes rimëkëmben ndërsa aksionet aziatike rriten
Ofertat e kontratave të së ardhmes së aksioneve amerikane, u rritën, duke u tregtuar më lart pasi aksionet aziatike u përmirësuan në tregtimin e mëngjesit. Kontratat e së ardhmes Dow u rritën me 219 pikë ose 0.56%, ndërsa kontratat e së ardhmes S&P 500 u rritën me 0.67%. Kontratat e së ardhmes Nasdaq 100 u rritën me 0.97%.
Standardi Nikkei 225 në Japoni u rrit me 2%, ndërsa Topix me bazë të gjerë u rrit me 3%. Jeni japonez u dobësua kundrejt dollarit, duke u tregtuar rreth 146./ Monitor
