Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Trump fajëson Zelenskyn për nisjen e luftës mes Ukrainës dhe Rusisë: Ai nuk duhej kurrë ta kishte lejuar të fillonte ajo luftë
E.DPërditësimi i fundit 18 Tetor 2024, 15:31
SHBA- Donald Trump ka folur sërish për pushtimin e shtetit ukrainas nga Rusia. Ish-presidenti amerikan ka fajësuar presidentin ukrainas, Volodymyr Zelenskyy, për pushtimin e Ukrainës nga presidenti i Rusisë, Vladimir Putin, në vitin 2022. Trump u shpreh se Zelenskyy është një nga shitësit më të mëdhenj që ka parë ndonjëherë dhe sa herë që shkon në SHBA merr 100 miliardë dollarë.
“Mendoj se Zelensky është një nga shitësit më të mëdhenj që kam parë ndonjëherë. Sa herë që ai vjen, ne i japim 100 miliardë dollarë. Kush tjetër ka marrë aq shumë para në histori? Nuk ka pasur kurrë. Dhe kjo nuk do të thotë që nuk dua ta ndihmoj, sepse ndjehem shumë keq për ata njerëz. Por, ai nuk duhej kurrë ta kishte lejuar të fillonte ajo luftë. Ajo luftë është një humbje”, tha Trump.
Trump ka një histori të gjatë të lavdërimeve ndaj liderit rus dhe kur ishte president, ai shkoi aq larg sa të mbështeste Putinin përpara komunitetit të inteligjencës amerikane për ndërhyrjen ruse në zgjedhjet presidenciale të vitit 2016. Gjithashtu Zelenskyy dhe Trump janë takuar muajin e kaluar dhe kanë folur rreth mundësisë së përfundimit të luftës.
