DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
BOTA
"Trump i buzëqeshur me Macron dhe Zelenskyyn"/ Le Parisien: Pse presidenti i sapozgjedhur zgjodhi Notre Dame për udhëtimin e tij të parë jashtë vendit?
E.DPërditësimi i fundit 9 Dhjetor 2024, 18:13
PARIS- Presidenti i 47-të i zgjedhur i Shteteve të Bashkuara, Donald Trump, iu përgjigj pozitivisht ftesës personale të homologut të tij francez, Emmanuel Macron, për natën e hapjes së Notre-Dame de Paris. Gazeta franceze Le Parisien shkruan se vizita e presidentit amerikan në hapjen e katedrales historike të shtunën i dha një dimension të ri diplomatik ceremonisë së rihapjes së saj. Gjithashtu Trump ishte një nga krerët e parë të shtetit që reagoi përmes twitter për fatkeqësinë e ndodhur.
“Duhet të veprojmë shpejt”, tha Trump në reagimin e tij.
Megjithatë pesë vjet më vonë, Emmanuel Macron, i cili është i dobësuar politikisht ftoi presidentin e sapozgjedhur të SHBA-së në ceremoninë e rihapjes së Notre Dame, duke treguar dëshirën e tij për një fillim të ri në marrëdhëniet Paris-Washington. Ai gjithashtu duket se dëshiron të veprojë si ndërmjetës për t'i dhënë fund luftës Rusi-Ukrainë. Macron, të paktën deri në fund të mandatit të tij të dytë dhe të fundit në Elysee, është i etur për të forcuar marrëdhëniet e tij me Trump, i cili do të marrë zyrtarisht postin e presidentit më 21 janar 2025.
Ndërsa nga ana tjetër, historiani francez Fabrice d’Almeida komentoi një nga imazhet më të spikatura të ceremonisë. Ai tha se Trump mbërrin në Notre Dame me një kostum blu dhe kravatë të verdhë, ndërsa është gjithmonë i veshur me një kravatë të kuqe. Zgjedhja e veshjeve të miliarderit amerikan gjatë vizitës së tij në Paris nuk ishte e rastësishme. Fakti që Trump dhe Zelenskyy shtrëngojnë duart me rastin e hapjes së Notre Dame do të thotë se dy politikanët donin të dërgonin një mesazh të fortë. Për historianin francez, është e sigurt se Trump nuk ka udhëtuar rastësisht në Paris i veshur me ngjyrat e Ukrainës .
“Trump mbërrin në Notre Dame me një kostum blu dhe kravatë të verdhë, ndërsa është gjithmonë i veshur me një kravatë të kuqe. Por pse e konsideron këtë imazh shumë të fortë? Për mësuesin e historisë moderne, mesazhi është një: Ne shikojmë dhe mendojmë: Këto janë ngjyrat e Ukrainës!," tha ai.
Megjithatë presidenti i sapozgjedhur i SHBA-së ka pozuar i buzëqeshur me homologun e tij francez, si dhe liderin ukrainas Volodymyr Zelenskyy. Kjo ishte një mënyrë e qartë për të treguar mbështetjen e tij për presidentin dhe kreun e vendit ndërluftues.
