Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
BOTA
Trump i del në mbrojtje agjentes të Shërbimit Sekret pas kritikave në internet: Kjo grua ishte gati të merrte plumbin në vendin tim
E.DPërditësimi i fundit 29 Korrik 2024, 15:22
SHBA- Ish-presidenti amerikan, Donald Trump, u hodh në mbrojtje të një agjenteje femër të Shërbimit Sekret, e cila e mbrojti atë gjatë atentatit, pasi ajo u përball me kritika të ashpra në internet.
“Nuk e di se si nuk u goditën. Asnjëri prej tyre nuk ishte i ngadalshëm. Një grua që ishte në të djathtën time, ajo po më mbronte. Dhe u shtyp. Dhe u kritikua me lajme të rreme," u tha Trump mijëra njerëzve në një tubim në St. Cloud, Minesota, ndërsa kujtoi se si “plumbat fluturonin” dhe Shërbimi Sekret kishte nxituar për ta mbrojtur atë.
Trump deklaroi gjithashtu se agjentja femër e paidentifikuar ishte aq e guximshme sa që dëshironte të merrte një plumb për presidentin e 45-të.
“Epo, ju e dini, ajo nuk ishte mjaft e gjatë. Sepse unë jam i gjatë, dhe ajo nuk ishte mjaftueshëm e gjatë. Dhe ajo u kritikua – ajo ishte aq e guximshme, ajo më mbronte me gjithçka, donte të merrte një plumb”, tha Trump.
Bëhet e ditur se komentent e ish-presidentit vijnë pasi pas atentatit në Pensilvani, agjentja femër u kritikua nga ekspertët në internet, si dhe nga donatorët e vetë Trumpit.
“Shikoni këto agjente femra që nuk kanë ide se çfarë të bëjnë ose çfarë po bëjnë”, tha Dinesh D’Souza pas incidentit.
Matt Walsh tha se nuk duhet të ketë asnjë grua në Shërbimin Sekret pas atentatit.
“Nuk duhet të ketë asnjë grua në Shërbimin Sekret. Këto supozohet të jenë më të mirat, dhe asnjë nga më të mirat në këtë punë nuk janë gra”, tha Walsh.
Ndërkohë, CEO i Teslas, Elon Musk, argumentoi se agjentët e Shërbimit Sekret duhet të jenë mjaft të mëdhenj për ta mbuluar në këtë rast Trumpin.
“Mund të jetë një burrë apo një grua, për të qenë i qartë, thjesht duhet të jetë mjaft i madh për të bërë punën”, tha Musk.
