Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
BOTA
Trump kërkon rimarrjen e kontrollit të bazës ajrore në Bagram të Afganistanit. Pse është kaq e rëndësishme për amerikanët
PiranjatPërditësimi i fundit 18 Shtator 2025, 19:47
Shtetet e Bashkuara po përpiqen të rimarrin bazën ajrore të Bagramit në Afganistan, tha Presidenti Donald Trump të enjten (18 shtator) gjatë një konference të përbashkët për shtyp me kryeministrin britanik Keir Starmer. Pista historike e fluturimit e ndërtuar nga sovjetikët ishte baza kryesore për forcat amerikane në Afganistan pas sulmeve të 11 shtatorit 2001, deri në tërheqjen e SHBA-së në vitin 2021 që çoi në marrjen e kontrollit nga lëvizja talebane.
"Po përpiqemi ta rimarrim atë", tha Trump , duke iu referuar Bagramit, duke përmendur atë që e quajti vendndodhjen e tij strategjike pranë Kinës. "Ne e duam atë bazë përsëri”, shtoi ai.
Baza e Bagramit u ndërtua nga Bashkimi Sovjetik në vitet 1950, duke u bërë baza e saj kryesore në vitet 1980 ndërsa mbronte pushtimin e Afganistanit.
SHBA-të e trashëguan bazën kur përmbysën talebanët në vitin 2001. Bagrami ishte në rrënoja pasi u braktis, por amerikanët e rindërtuan bazën dhe përfundimisht ajo u rrit në rreth 30 milje katrore (77 km katrore). Në të janë dy pista, më e reja prej të cilave është pak më shumë se dy milje e gjatë, ku mund të ulen avionë të mëdhenj mallrash dhe bombardues. Për SHBA-në dhe NATO-n, baza ajrore e Bagramit në Afganistan ka qenë epiqendra e luftës kundër talebanëve dhe al-Kaedws për më shumë se 20 vite.
Forcat e koalicionit të udhëhequra nga SHBA-të hynë në vend gjatë dhjetorit 2001 dhe ajo u zhvillua në një bazë të madhe të aftë të mbante deri në 10,000 trupa.
