Efektivi Edison Adri kishte marrë plumb në nofull dhe siç raportohet i ka ikur edhe gjuha.
Mjeku i Traumës konfirmoi se efektivi do fut...
BOTA
Trump premton fund të konfliktit/ Zelensky: Duhet të na tregojë planin e tij
e. dPërditësimi i fundit 3 Korrik 2024, 22:46
UKRAINË- Presidenti ukrainas Volodymyyr Zelenskyy tha se ish-presidenti amerikan Donald Trump duhet të përcaktojë planin e tij për të zgjidhur konfliktin në Ukrainë, për të cilin ai pretendon se do të duheshin vetëm 24 orë nëse ai kthehet në Shtëpinë e Bardhë në nëntor. Gjithashtu pas nisjes së fushatës ushtarake të Rusisë kundër Kievit në vitin 2022, Trump ka thënë vazhdimisht se konflikti nuk do të ishte përshkallëzuar nëse ai do të ishte ende president dhe është zotuar se do ta zgjidhë krizën në një ditë të vetme nëse zgjidhet edhe një herë.
Gjatë debatit të javës së kaluar me Presidentin Joe Biden, Trump e përsëriti këtë premtim, duke deklaruar se ai mund ta zgjidhte shpejt konfliktin edhe para se të merrte zyrtarisht detyrën. Megjithatë, ai ende nuk ka specifikuar se si do t’i jepte fund luftimeve. Në një intervistë me Bloomberg të publikuar të mërkurën, Zelenskyy kërkoi që Trump të zbulojë detajet e planit të tij në mënyrë që Kievi të dijë se për çfarë të përgatitet në nëntor.
“Do të doja të dija se çfarë do të thotë të përfundonte shpejt një luftë. Nëse Trump di ta përfundojë këtë luftë, ai duhet të na tregojë sot, sepse nëse ka rreziqe për pavarësinë e Ukrainës dhe ka rrezikon të humbasim shtetësinë tonë, ne duam të jemi të përgatitur për këtë," tha ai.
Sakaq Zelenskyy shpjegoi më tej se Kievi duhej të kuptonte nëse do të kishte mbështetje të fuqishme të SHBA në nëntor në rast të rizgjedhjes së Trumpit apo nëse do të ishte i vetëm.
