Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
BOTA
'Turqia po bën përpjekje që lufta Rusi-Ukrainë të përfundojë sa më shpejt me paqe'/ Erdogan zhvillon bisedë telefonike me kryeministrin e Anglisë
m.lPërditësimi i fundit 1 Mars 2025, 15:07
Rexhep Tajip Erdogan
TURQI- Presidenti turk Rexhep Tajip Erdogan ka zhvilluar një bisedë telefonike me kryeministrin e Mbretërisë së Bashkuar Keir Starmer. Në fokus të bisedës së dy liderëve ishin zhvillimet në Ukrainë. Sipas një deklarate të Drejtorisë së Komunikimeve të Presidencës Turke, Rexhep Tajip Erdogan deklaroi se Turqia po bën përpjekje për të siguruar që lufta midis Rusisë dhe Ukrainës të përfundojë sa më shpejt të jetë e mundur me një paqe të drejtë dhe të qëndrueshme.
Presidenti Erdogan vuri në dukje gjithashtu se Ankaraja është e gatshme të përmbushë përgjegjësitë e saj, të tilla si pritja e negociatave të paqes, siç ka bërë deri më tani. Gjatë bisedës u diskutuan edhe çështjet që kanë të bëjnë me marrëdhëniet dypalëshe mes Turqisë dhe Mbretërisë së Bashkuar, si dhe çështje rajonale dhe globale.
Ministri i Jashtëm turk Hakan Fidan do të përfaqësojë presidentin Erdogan në konferencën që do të mbahet nesër më 2 mars në Londër për Ukrainën dhe sigurinë evropiane. Presidenti ukrainas Volodymyr Zelensky do të takohet sot me kryeministrin britanik Keir Starmer, njoftoi zyra e Starmer, përpara një konference më të gjerë të liderëve evropianë që do të mbahet nesër në Londër.
