Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
U përfshi në aksidentin tragjik me ski 11 vite më parë, zbulohet si paraqitet gjendja e legjendës së Formula 1
b.zPërditësimi i fundit 27 Mars 2025, 16:44
Michael Schumacher
GJERMANI - Një nga gazetarët më të afërt me familjen Schumacher ka zbuluar detaje të reja mbi gjendjen shëndetësore të legjendës së Formula 1, Michael Schumacher, mbi 11 vjet pas aksidentit të tij tragjik me ski.
Ish-kampioni shtatë herë i botës në Formula 1, i konsideruar nga shumëkush si piloti më i madh i të gjitha kohërave, pësoi një aksident të rëndë me ski në dhjetor të vitit 2013, vetëm një vit pas tërheqjes nga garat. Ai u transportua me urgjencë në një spital në Grenoble, Francë, ku u vendos në koma artificiale për muaj të tërë.
Prej atij momenti, informacioni mbi gjendjen e tij ka qenë tepër i kufizuar, me familjen e tij që ka mbajtur gjithçka nën një privatësi ekstreme.
Së fundmi, Felix Gorner, gazetar i njohur i RTL dhe një nga njerëzit më të besuar për lajmet mbi Schumacher, ka dhënë një deklaratë të re për Daily Mail.
“Situata është shumë e trishtuar. Ai ka nevojë për kujdes të vazhdueshëm dhe është plotësisht i varur nga kujdestarët e tij. Nuk mund të komunikojë më me fjalë”, tha ai.
“Aktualisht, janë vetëm rreth 20 persona që mund t’i afrohen Michaelit. Dhe sipas mendimit tim, kjo është strategjia e duhur. Familja po vepron në interesin më të mirë të tij. Ata gjithmonë e kanë mbrojtur rreptësishtë privatësinë e tij, dhe kjo nuk ka ndryshuar",- shtoi gazetari.
Përveç deklaratës së Gorner, edhe Elisabetta Gregoraci, ish-bashkëshortja e Flavio Briatore (ish-shefi i ekipit të F1), ka dhënë më shumë detaje mbi mënyrën se si Schumacher komunikon me botën përreth tij duke qënë se ai nuk është në gjendje të flasë.
“Michael nuk flet, ai komunikon me sytë. Vetëm tre persona mund ta vizitojnë, dhe unë e di se kush janë ata. Ata janë zhvendosur në Spanjë, ku gruaja e tij Corinna ka ngritur një spital të veçantë në shtëpinë e tyre për ta trajtuar atë,- ka thënë ai.
Pavarësisht viteve të kaluara, familja e Michael Schumacher ka qëndruar e vendosur në mbajtjen e privatësisë së tij. Vetëm një rreth shumë i ngushtë njerëzish ka akses tek ai, dhe nuk janë publikuar asnjëherë foto apo video të tij që nga aksidenti. Gjendja e tij mbetet një mister, dhe e vetmja gjë e sigurt është se ai vazhdon të luftojë, me një familje që e mbështet dhe e mbron me çdo kusht.
