Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
U shkelën nga turmat e njerëzve në tubimin më të madh fetar në Indi, të paktën 12 persona humbin jetën
r.llPërditësimi i fundit 29 Janar 2025, 08:07
tubimi fetar
INDI- Të paktën 12 besimtarë dyshohet se kanë vdekur dhe shumë të tjerë janë plagosur pas një përplasjeje në festivalin Kumbh Mela në Indinë veriore. Incidenti besohet të ketë ndodhur kur njerëzit që flinin buzë lumit në Prayagraj u shkelën nga pelegrinët e tjerë që ishin zhytur në ujërat e shenjta.
Zyrtarët kishin lajmëruar se deri në 100 milionë njerëz pritej të merrnin pjesë në ditën më të madhe të larjes në festival.
Besimtarët ishin mbledhur për t'u larë në bashkimin e lumenjve Gange, Yamuna dhe mitik Saraswati. Në vendngjarje është dërguar një njësi e Forcës së Veprimit të Shpejtë, i cili është një ekip special i dislokuar në situata krize, shkruajnë mediat e huaja.
Kryeministri Narendra Modi ka folur me kryeministrin për shtetin Uttar Pradesh, Yogi Adityanath, duke bërë thirrje për "masa të menjëhershme mbështetëse", sipas agjencisë së lajmeve ANI.
Ajo konsiderohet si një ditë e rëndësishme për hindusët, për shkak të një radhitjeje të rrallë të trupave qiellorë pas 144 vjetësh. Festivali Maha Kumbh, i cili mbahet çdo 12 vjet, filloi më 13 janar dhe është tubimi më i madh fetar në botë.
Organizatorët kishin parashikuar se më shumë se 400 milionë njerëz do të merrnin pjesë në vendin e pelegrinazhit gjatë gjashtë javëve të ardhshme. Autoritetet kanë ndërtuar një qytet të gjerë tendash në brigjet e lumit, të pajisur me 3,000 kuzhina dhe 150,000 tualete dhe 11 spitalet.
