Dikur, aty nga vitet 2003–2004, endesha kodrave të Parkut të Butrintit, së bashku me “shkencëtarin e zogjve”, siç...
BOTA
U skualifikua për kaskën me portretet e 24 sportistëve ukrainas të vrarë/ Atleti do të apelojë vendimin për të garuar sërish
PiranjatPërditësimi i fundit 24 Shkurt 2026, 11:32
Në prag të përvjetorit të katërt të pushtimit rus të Ukrainës, Vladyslav Heraskevych thotë se s’ka asnjë pendim për sakrificën që bëri duke humbur ëndrrën e tij olimpike në Lojërat Dimërore të Milano‑Cortina 2026.
Ai u skualifikua pasi kërkoi të garonte me një kaskë që mban portretet e 24 sportistëve ukrainas që u vranë gjatë luftës me Rusinë, një simbol përkujtues që komitetet olimpike e quajtën të papërshtatshëm.
Heraskevych shpjegon se ai e do shumë sportin e skeletonit dhe synon të kthehet në Lojërat e 2030‑ës në Alpet Franceze, jo vetëm për të konkurruar, por edhe për të fiton artë me të njëjtën “kaskë të kujtesës” që e bëri objekt diskualifikimi.
Ai thotë se do të apelojë vendimin e Komitetit Olimpik Ndërkombëtar (IOC) në një gjykatë që nuk është nën kontrollin e tij, me synimin që të fitojë këtë çështje dhe të garojë sërish.
Pas dy javësh dramatike ku u bë lajm ndërkombëtar, Heraskevych u nderua në Kiev me Urdhrin e Lirisë nga presidenti Volodymyr Zelenskyy, dhe mori një dhuratë prej 200,000 dollarësh nga biznesmeni Rinat Akhmetov, shumë kjo e barabartë me shpërblimin që marrin atletët ukrainas kur fitojnë medalje ari. Ai planifikon t’i përdorë këto para për një fondacion bamirësie për të ndihmuar ukrainasit.
Megjithëse shumë e quajtën akt heroizmi, Heraskevych e mohon se është hero. Ai thotë se heronjtë e vërtetë janë ata që janë portretizuar në kaskë, përfshirë fëmijë që nuk arritën të rriteshin.
Ai shton se fakti që bota po flet për Ukrainën për shkak të kaskës është më i rëndësishëm se emri i tij.
Ai gjithashtu dëshmon se I kishte kërkuar IOC të lejonte përdorimin e saj, por rregullat e Komitetit Olimpik, të cilat ndalojnë rrobat ose pajisjet me mesazhe politike gjatë garave, çuan në diskualifikimin e tij. Heraskevych është i bindur se kaska e tij nuk përmbante mesazhe politike apo simbole kombëtare, por vetëm portrete njerëzish që donte të përkujtonte.
Heraskevych kujton edhe një takim të fundit me presidenten e IOC‑s, Kirsty Coventry, pak para diskualifikimit, ku biseduan me respekt, por më vonë ai zbuloi se vendimi për të ishte marrë që natën para garës.
Ai kritikon edhe faktin që sportistë të tjerë në Lojëra u lejuan të mbanin simbole të ndryshme, ndërsa kaska e tij u quajt problematike, duke krijuar një debat të gjerë rreth rregullave të shprehjes së sportistëve dhe mënyrës si interpretohen ato.
Pavarësisht dhimbjes për moskompetimin, Heraskevych është i sigurt se bëri zgjedhjen e duhur. “Nuk mund t’i tradhtoja këta sportistë”, thotë ai, edhe pse do të ishte në formën më të mirë të jetës për të garuar. Ai beson se lajmi tregoi botës se ai nuk mori vetëm një medalje, por një kauzë përkujtimi dhe nderimi./Piranjat News
