Një raport i ri ndërkombëtar mbi shtetin e së drejtës, i publikuar nga World Justice Project (WJP), e rendit Shqipërinë n&e...
BOTA
Uashingtoni liron rusin e burgos pas lirimit të mësuesit Mark Fogel, Kremlini: Një hap gradual për të rritur besimin reciprok mes vendeve
n.fPërditësimi i fundit 12 Shkurt 2025, 14:15
RUSI- Kremlini njoftoi sot se një rus është liruar nga një burg amerikan në këmbim të lirimit nga Moska të arsimtarit të burgosur amerikan, Mark Fogel. Zëdhënësi i Kremlinit, Dmitry Peskov tha se rusi do të kthehet në shtëpi në ditët në vijim dhe më pas Moska do të shpallë emrin e tij. Peskov informoi gazetarët një ditë pasi Rusia liroi Fogelin si pjesë e një marrëveshjeje diplomatike me presidentin Trump. Presidenti amerikan tha se kjo marrëveshje do të ndihmonte në përfundimin e luftës Rusi-Ukrainë.
Duke komentuar pretendimet e Trump se kjo mund të ndihmojë në përfundimin e luftës, Peskov tha se nuk kishte gjasa të ishte një pikë kthese, por e përshkroi shkëmbimin e të burgosurve si një hap gradual për të rritur besimin reciprok, i cili aktualisht është në kulmin e tij.
Mark Fogel i cili punonte si mësues në një shkollë amerikane në Moskë, u dënua në korrik 2022 nga një gjykatë e Moskës me 14 vjet burg për futjen e kanabisit në vend për përdorim mjekësor. Të martën, 11 shkurt ai u transferua në Uashington, ku festoi lirimin e tij me Trump në Shtëpinë e Bardhë.
Trump tha se lirimi i Fogel mund të jetë një moment historik i madh dhe i rëndësishëm në përfundimin e luftës trevjeçare në Ukrainë. Edhe presidenti rus Vladimir Putin kanë thënë se janë të gatshëm të takohen për të diskutuar idetë e Trump për një fund të shpejtë të luftës, por nuk është shpallur një datë për një takim.
Këshilltari i Sigurisë Kombëtare i SHBA, Mike ëalz tha se Fogel u lirua në një shkëmbim të negociuar, i cili shërben si një shfaqje e mirëbesimit nga ana e rusëve dhe si një tregues se ata po lëvizin në drejtimin e duhur për t'i dhënë fund luftës së dhunshme dhe të tmerrshme në Ukrainë.
