Disa prej emrave më të fuqishëm të teknologjisë amerikane do të jenë të pranishëm javën e ardhshme n&e...
BOTA
Uashingtoni po shqyrton heqjen e sanksioneve ndaj naftës iraniane
PiranjatPërditësimi i fundit 19 Mars 2026, 19:02
Sekretari i Thesarit i SHBA-së, Scott Bessent, ka deklaruar se Uashingtoni mund të marrë në konsideratë heqjen e përkohshme të sanksioneve mbi naftën iraniane që ndodhet aktualisht në det, si pjesë e një strategjie për të ulur çmimet globale të energjisë.
Në një intervistë për Fox Business, ai u shpreh se plani parashikon përdorimin e “naftës iraniane kundër iranianëve për të mbajtur çmimet të ulëta, ndërsa vazhdon fushata ushtarake. Megjithatë, ai nuk dha detaje konkrete për kohëzgjatjen e mundshme të këtij lehtësimi.
Sipas tij, një precedent i ngjashëm është lehtësimi i përkohshëm i sanksioneve ndaj Rusisë, i njoftuar së fundmi, që i lejon eksportet detare të naftës deri në fillim të muajit prill.
Bessent bëri të ditur se rreth 140 milionë fuçi naftë iraniane ndodhen aktualisht në det, një sasi që sipas tij mund të kompensojë mungesat në treg për “dhjetë ditë ose dy javë”.
Nga ana tjetër, analisti i tregut të energjisë, Andy Lipow, theksoi për Agence France-Presse se kjo qasje tregon vendosmërinë e qeverisë amerikane për të lehtësuar konsumatorët nga çmimet e larta të karburanteve.
Zhvillimet vijnë në një moment tensionesh të larta në tregjet ndërkombëtare të energjisë, ku çdo ndërhyrje në furnizim pritet të ndikojë drejtpërdrejt në çmimet globale./PiranjatNews/
