Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
BOTA
Ukraina ka hyrë në një fazë të re lufte, Zelensky konfirmon operacionet në Lindjen e Mesme
PiranjatPërditësimi i fundit 10 Prill 2026, 19:42
Presidenti i Ukrainës, Volodymyr Zelenskyy, ka deklaruar se Ukraina ka dërguar specialistë ushtarakë në disa vende të Lindjes së Mesme për të ndihmuar në luftën kundër dronëve, përfshirë interceptorë dhe njësi të luftës elektronike.
Sipas tij, ekspertët ukrainas kanë demonstruar mënyra të reja për neutralizimin e dronëve të prodhimit iranian “Shahed”, duke arritur rezultate në disa vende të ndryshme.
“Ne dërguam ekspertët tanë ushtarakë… dhe u demonstruam disa vendeve se si të punojnë me interceptorët. A shkatërruam dronë iranianë Shahed? Po. A e bëmë në një vend? Jo, në disa. Dhe unë e konsideroj këtë një sukses”, u shpreh Zelensky.
Ai shtoi se ndër objektivat e goditura kanë qenë edhe dronë me motor reaktiv, duke theksuar se teknologjia e përdorur nga Ukraina po tregon efektivitet në terren.
Presidenti ukrainas deklaroi gjithashtu se vendi i tij po përgatitet për prodhim masiv të interceptorëve të aftë për të rrëzuar edhe dronët më të avancuar reaktivë, duke e konsideruar këtë një hap të rëndësishëm në zhvillimin e mbrojtjes ajrore.
Deklaratat e tij vijnë në kontekstin e përshkallëzimit të përdorimit të dronëve në konfliktet moderne dhe rritjes së bashkëpunimit ushtarak të Ukrainës me partnerë ndërkombëtarë.
