Charles L. Smith III është gjyqtari amerikan që kryesoi trupin gjykues në çështjen ndaj Hashim Thaçit, Kadri Veselit, R...
BOTA
Vance: Propozimi i parë iranian i paqes, sikur është shkruar me IA
PiranjatPërditësimi i fundit 9 Prill 2026, 19:54
Tre propozime të ndryshme armëpushimi prej 10 pikash kishte dërguar në fillim Irani, sipas numrit dy të administratës amerikane J D Vance.
Zv/presidenti amerikane pretendon se propozimi i parë ishte aq i çuditshëm, sa dukej si i shkruar me ChatGPT dhe u hodh poshtë menjëherë.
Propozimi i dytë, më i arsyeshëm, i zhvilluar përmes negociatave të ndërsjella me ndërmjetësues nga SHBA dhe Pakistani, duket se përbën bazën aktuale të përpjekjeve diplomatike. Një propozim i tretë, që qarkullon online, u përshkrua nga Vance si më “maksimalist” se i pari, duke e bërë edhe më të paqartë pozicionin zyrtar të Teheranit. Ky zhvillim sipas ekspertëve, tregon se bisedimet po kalojnë përmes një spektri të gjerë idesh, nga ato më racionalet e deri tek më ekstremet, teksa Shtetet e Bashkuara po përpiqen të arrijnë një marrëveshje të qëndrueshme.
JD Vance do të përfaqësojë Shtetet e Bashkuara në negociatat e paqes me Iranin, të cilat parashikohet të nisin të shtunën në Pakistan. Por mbajtja e tyre po vihen tani në pikëpyetje me kërcënimet e sotme të Iranit se mund të tërhiqet nga bisedimet e paqes me SHBA, teksa pushimzjarri në Lindjen e Mesme duket në prag të kolapsit.
Teherani pretendon se sulmet e vazhdueshme të Izraelit ndaj Libanit shkelin marrëveshjen për fundin e luftimeve dhe thotë se do të ishte “e paarsyeshme” të diskutohej një zgjidhje e përhershme në një kohë kur bombardimet ndaj Bejrutit vazhdojnë.
