Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Vendimi për Dodik/ “Alarmohet” Vuçiç, thërret mbledhje urgjente të Këshillit të Sigurisë Kombëtare
E.DPërditësimi i fundit 26 Shkurt 2025, 17:04
SERBI- Presidenti i Serbisë, Aleksandar Vuçiç ka thirrur një seancë urgjente të Këshillit të Sigurisë Kombëtare. Mediat serbe gjithashtu shkruajnë se kjo seancë urgjente është bërë pasi presidenti i Republikës Srpska, Milorad Dodik është shpallur fajtor për mosrespektimin e vendimeve të Përfaqësuesit të Lartë të bashkësisë ndërkombëtare, Christian Schmidt. Gjithashtu bëhet e ditur se seanca është caktuar në ora 17:00 në ndërtesën e Sekretariatit të Përgjithshëm me propozim të presidentit serb Aleksandar Vuçiç, i cili do ta drejtojë atë.
Gjykata e Bosnjës dhe Hercegovinës sot ka shpallur dënimin e shkallës së parë për presidentin e entitetit të Republikës Serbe (RS), Milorad Dodik, duke e dënuar atë me një vit burg dhe gjashtë vjet ndalim të ushtrimit të detyrës zyrtare dhe politike.
Pas dënimit Dodik iu drejtua mbështetësve të tij që ishin mbledhur përpara ndërtesës së Gjykatës në Sarajevë, duke u thënë se nga sot më nuk ekziston Bosnja dhe Hercegovina që kanë imagjinuar. Dodik gjithashtu tha se kishte marrë dy telefonata, e para nga presidenti serb, Aleksandar Vuçiç dhe e dyta nga kyrministri hungarez, Viktor Orban.
“Le të vijë Vuçiç nesër në Banjallukë për të marrë vesh se çfarë do bëjmë dhe si do e bëjmë. Nga sot nuk ka më Bosnje dhe Hercegovinë, të cilën e keni imagjinuar. Kuvendi do të marrë vendim që do ta refuzojë dënimin. E dyta është ndalimi i zbatimit të vendimeve të Gjykatës së Bosnjë-Hercegovinës në territorin e RS-së, ndërsa ligji i tretë është për ndalimin e veprimtarisë së Këshillit të Lartë Gjyqësor dhe Prokurorial (VSTV) në nivelin e Bosnjë-Hercegovinës dhe formimin e këtij Këshilli në RS”, tha Dodik.
