Pas organizimit të protestuesve në sheshin “Skënderbej” në Tiranë, ka nisur marshimi drejt Kryeministrisë. Sot mbahet ...
BOTA
VIDEO e pazakontë/ 13-vjeçari hakmerret ndaj vrasësit të 13 anëtarëve të familjes së tij para mijëra njerëzve
PiranjatPërditësimi i fundit 2 Dhjetor 2025, 17:58
Një djalë 13-vjeçar ekzekutoi i vetëm burrin që vrau 13 anëtarë të familjes së tij, sepse të afërmit refuzuan mundësinë e pajtimit. Dënimi u ekzekutua në një stadium me dhjetëra mijëra njerëz.
Gjykata Supreme e Afganistani vendosi që autori i krimit, i quajtur Mangal, ishte fajtor për masakrën e 13 anëtarëve të familjes së adoleshentit, përfshirë fëmijë dhe tri gra. Ai ishte dënuar së bashku me të tjerë për pushtimin e një shtëpie në provincën Khost në janar 2025 dhe vrasjen e anëtarëve të familjes.
Gjykata e apelit dhe Gjykata Supreme mbështetën dënimin me vdekje të dhënë nga gjykata e shkallës së parë, ndërsa ai u miratua nga udhëheqësi suprem i Afganistanit, Hezbollah Akhundzada, shkruan Daily Mail. Talebanët kanë imponuar një interpretim të rreptë të ligjit të Sheriatit , i cili përfshin rikthimin e ekzekutimeve publike të kryera sipas zbatimit të Kisas nga ana e talebanëve, një formë hakmarrjeje, "sy për sy".
Djali qëlloi vrasësin e familjes së tij tri herë para 80,000 spektatorëve të mbushur në një stadium në qytetin e Khost. Turma brohoriti "Allahu Ekber" ("Allahu është i madh"). Autoritetet i kishin bërë thirrje publikut të ndiqte ekzekutimin në njoftimet zyrtare. Të afërmit e djalit refuzuan ofertën e talebanëve për të falur kriminelin e dënuar.
Ekzekutimet publike janë një pamje e zakonshme
Që nga rikthimi i tyre në pushtet në vitin 2021, talebanët kanë kryer të paktën 12 ekzekutime publike. Në prill, katër burra u ekzekutuan publikisht në të njëjtën ditë në tre qytete të ndryshme nga të afërmit e viktimave. Edhe pse OKB-ja, nëpërmjet të dërguarit të saj të posaçëm, po bën thirrje që ekzekutimet të ndalen, banorët i shohin ato pozitivisht sepse "askush nuk do të guxojë të vrasë askënd në të ardhmen".
Për veprat penale më "të lehta", siç janë vjedhja, tradhtia bashkëshortore dhe pirja e alkoolit, ekziston rrahja me kamzhik, e cila kryhet gjithashtu publikisht. Në një rast, të paktën 63 persona u rrahën me kamzhik, përfshirë 14 gra, të cilat ishin akuzuar për krime të tilla si sodomia, vjedhja dhe marrëdhëniet "imorale".
