Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
BOTA
VIDEO/ Eksperiencë e rrezikshme, parashutisti hidhet mes reve në Spanjë, ja si duken nga afër
n.fPërditësimi i fundit 1 Tetor 2024, 18:45
Parashutisti
SPANJË- Një parashutist ka regjistruar momentet teksa hidhet nga një avion mes reve. Eric Finat Trepat u hodh nga avioni në lartësinë 4,500 metra mbi qytetin e Girona, në skajin lindor të Spanjës dhe regjistroi gjithçka me kameran e tij të montuar në kokë.
Me shumë mundësi keni parë video ku tregohet sesi është si eksperiencë të hidheni nga një avion dhe më pas të hapet parashuta por sesi duken retë nga brenda është një eksperiencë më e veçantë. Eric tha për rrjetin Storyful se ishte hedhja e parë e tij e ditës dhe rezultoi sipas tij më impresionuesja.
Në video, Eric shihet që bie me shpejtësi mes reve të bardha, teksa shikuesit mund të dallojnë shkumën e tyre apo pjesëzat e ujit, si dhe zbrazëtinë e ajrit me poshtë. Parashutisti kalon mes reve, brendësia e të cilave është e errët, derisa më në fund zbret për të parë tokën. Eric thotë se gjatë zbritjes së tij kaloi mes tre klimave, atë të ajrit të pastër e të nxehtë, atë të ftohtë e të lagësht dhe ajrit thjesht të mbushur me re.
Pamjet kanë qarkulluar gjerësisht në rrjetet sociale dhe shumë përdorues kanë dhënë opinionet e tyre. Një prej tyre komentonte: “E kam bërë dhe unë këtë, është e dhimbshme. Mezi pret të shohësh tokën pasi në re ka copëza uji që të godasin trupin”.
Një tjetër përdorues tha: “Për fëmijët e shikojnë këtë, nuk duhet ta provoni sepse është e rrezikshme”.
Rregullat e parashutizmit ndalojnë hedhjen mes reve, kryesisht prej shikueshmërisë së ulët dhe tendencës për aksidente, përplasje apo humbje të kontrollit të parashutës. Në rast të kalimit aksidental mes tyre rekomandohet që parashuta të hapet në zonë ku pamja është e qartë.
