Kreu i grupit të PS-së, Taulant Balla, gjatë një prononcimi për gazetarët pas mbledhjes së Kuvendit ka folur për protest...
BOTA
VIDEO/ Hamasi ekzekuton tre “tradhtarë”: Bashkëpunëtorë të Izraelit (pamje të rënda)
PiranjatPërditësimi i fundit 23 Shtator 2025, 09:01
Një video tronditëse, e publikuar në kanalet Telegram ka qarkulluar në rrjet, aty ku shihen anëtarë të Hamasin të cilët ekzekutojnë tre palestinezë, të akuzuar nga grupi si “bashkëpunëtorë të Izraelit”.
Në video, disa persona të armatosur me fytyra të mbuluara qëndrojnë mbi tre burra të gjunjëzuar, me sy të lidhur dhe duart të prangosura pas shpine.
Para turmës që brohoriste “Allahu Ekber”, një nga ekzekutorët i përshkruan viktimat si “tradhtarë që kanë bashkëpunuar me pushtuesit për të vrarë popullin e tyre”. Menjëherë më pas, të tre palestinezët ekzekutohen me të shtëna në kokë dhe trup.
Sipas mediave ndërkombëtare, Hamas vendosi mbishkrime të shkruara me dorë mbi trupat e viktimave. Në një prej tyre shkruhej: “Tradhtia juaj nuk do të mbetet pa u ndëshkuar. Ju pret një ndëshkim i ashpër.”
Agjencia izraelite Ynet raportoi se një tjetër copë letre mbi trupin e njërit prej viktimave përmbante mesazhin: “Mercenarë të shpatës – është koha t’ju presim kokat.”
Hamas deklaroi se në ekzekutim morën pjesë edhe anëtarë të dy organizatave të tjera radikale: Xhihadit Islamik dhe Brigadave Muxhahedine, duke e konsideruar këtë akt si një “paralajmërim” për të gjithë ata që bashkëpunojnë me Izraelin.
