Ditën e sotme dollari amerikan në blerje do të këmbehet me 78.7 lekë, në shitje me 79.7 lekë.
Euro do të blihet me 91...
BOTA
VIDEO/ Lakra, goma dhe kamionë me baltë, fermerët protestojnë te banesa në fshatin e Macron
PiranjatPërditësimi i fundit 19 Dhjetor 2025, 17:01
Që nga orët e para të së premtes (19 dhjetor), fermerët janë mbledhur jashtë shtëpisë së pushimeve buzë detit të çiftit Macron në Touquet, duke organizuar një demonstratë simbolike, me traktorë, banderola dhe një arkivol për “vdekjen e botës rurale”.
“Hani ushqim francez” dhe “Ndaloni taksat” ishin disa nga sloganet në banderolat përpara vilës, e cila ruhet nga forcat e sigurisë.
Në fakt, fermerët hodhën karroca të tëra me lakra dhe goma jashtë shtëpisë së presidentit francez, si pjesë e aksionit të tyre.
Pas njoftimit të Von der Leyen, Presidentes së Komisionit Evropian, të enjten në mbrëmje, për të shtyrë nënshkrimin e marrëveshjes BE-Mercosur për në janar, konfederata e shoqatave të fermerëve FNSEA e konsideroi këtë vendim si “të pamjaftueshëm” dhe u bëri thirrje anëtarëve të saj të vazhdojnë protestat. Për disa ditë, qindra fermerë dhe prodhues të tjerë, veçanërisht në jugperëndim të vendit, kanë organizuar bllokada, demonstrata dhe madje kanë shkuar deri në Bruksel për të shprehur pakënaqësinë e tyre.
Pakënaqësia ka të bëjë si me mënyrën se si Franca po përballet me epideminë e sëmundjes së lëkurës nodulare (LND), ashtu edhe me nënshkrimin e marrëveshjes së tregtisë së lirë me Mercosur.
“Presidenti po lufton për bujqësinë franceze dhe fermerët francezë”, tha shoqëruesi i Emmanuel Macron për BFMTV të premten në mëngjes.
Les agriculteurs en colère déversent des choux-fleurs devant la villa présidentielle au Touquet pic.twitter.com/67SHsFcRJ5
